Ազատ Խօսք

Ելեկտրոնային Անկախ Պարբերաթերթ

Խմբագիր - Երան Գույումճեան

Թիւ (81) Յունիս 2018

  • ՀԱՅԱՍՏԱՆԻ ՄԷՋ ՆՇՈՒԵՑԱՒ Ա. ՀԱՆՐԱՊԵՏՈՒԹԵԱՆ 100-ԱՄԵԱԿԸ
  • ԱԱԾն Կը Խոստանայ Կաշառակերութեամբ Հարստացած Մարդոց Բացայայտում
  • Ազգային Ժողովին Մէջ Քննարկուեցաւ Եւ Վաւերացուեցաւ Հայաստանի Կառավարութեան Ծրագիրը
  • Արցախի մէջ բարձրաստիճան պաշտօնեաներ հրաժարական ներկայացուցած են եւ նորեր նշանակուած են
  • Փաշինեան Շեշտեց Բանակցութեանց Արցախի Մասնակցութեան Կարեւորութիւնը
  • Փաշինեան. «Շահագրգռուած Ենք Նոր Ազդակ Հաղորդելու Հայ-Իրանական Կապերուն»

Կիպրահայ

Կիպրոսի պատուիրակութիւնը յարգանքի տուրք մատուցեց Հայոց Ցեղասպանութեան զոհերու յիշատակին

yeranԿիպրոսի Հանրապետութեան ներկայացուցիչներու տան նախագահ Տիմիթրիս Սիլուրիսի գլխաւորած պատուիրակութիւնը 22 Մայիսին այցելեց Ծիծեռնակաբերդի յուշահամալիր` յարգանքի տուրք մատուցելու Հայոց ցեղասպանութեան զոհերու յիշատակին:(մանրամասն)

ՖԱՄԱԿՈՒՍԹԱՅԻ ՎԵՐԱՆՈՐՈԳՈՒԱԾ «ԿԱՆՉՈՒՈՐ» ԵԿԵՂԵՑՒՈՅ ՄԷՋ

yeranՄշակոյթն է որ ինքնուրոյն դիմագիծ կու տայ որեւէ ազգային հաւաքականութեան, կը բնորոշէ անոր տեղն ու դերը մարդկային քաղաքակրթութեան խճանկարին մէջ, միաժամանակ հարստացնելով այդ խճանկարի բազմագոյն, բազմերանգ պատկերը: Մեր ժողովուրդը՝ իր հայրենիքին մէջ եւ անոր սահմաններէն դուրս ալ, ամէնուր իր ինքնութեան կնիքն է թողած, հոն ուր հանգրուաներ է պատմական իրադարձութեանց բերումով: Այդ ինքնութեան վսեմագոյն արտայայտութիւններէն են իր ճարտարապետական կոթողները, ուր կարծէք քարը՝ լեզու առած, կը պատմէ հայուն սէրն ու հաւատքը, անոր աշխարհընկալումը, անոր գեղագիտական ճաշակը...(մանրամասն)

Սփիւռքի նախարարը ընդունեց Վարդգէս Մահտեսեանին

yeranՄայիսի 22-ին, ՀՀ սփիւռքի նախարար Մխիթար Հայրապետեանն ընդունեց Կիպրոսի Ներկայացուցիչների պալատում կիպրահայ համայնքի պետական ներկայացուցիչ Վարդգէս Մահտեսեանին:(մանրամասն)

ՇՆՈՐՀԱՀԱՆԴԷՍ

ARMENIAN BANKERS In the Ottoman Empire ԳՐՔԻՆ

yeranՍոյն գիրքի յառաջաբանին մէջ, «Ինչո՞ւ այս գրքոյկը» գլուխին տակ, հեղինակը՝ Մկրտիչ Յակոբ Պուլտուքեան, յատկանշականօրէն կը գրէ. « Հարկաւոր է որ հայ նոր սերունդը խոր գիտակցութեամբ ուսումնասիրէ թէ ինչպէս հայուն դարերու ընթացքին կուտակած դրամագլուխը յափշտակուեցաւ, իւրացուեցաւ 1915-1923-ի Օսմանեան կայսրութեան վերջաւորութեան ու Ցեղասպանութեամբ, ազգի մը կողմէ որ այսօր կ'ուրանայ իր գործած անմարդկային արարքը» եւ կու տայ սպառիչ տեղեկութիւններ «խոջայական կապիտալ»ի, չելեպիներու եւ ամիրաներու մասին, որոնք դարձան նախահայրերը պոլսահայութեան, որոնք զոհ դարձան թուրքին գործադրած Ցեղասպանութեան եւ որոնց հսկայական դրամագլուխը առգրաւուեցաւ թրքական իշխանութեանց կողմէ:(մանրամասն)

Խմբագրական

ԼՐԱԳՐՈՒԹԻՒՆԸ ԷԱԿԱՆ ԱԶԴԱԿ Է ՊԵՏԱԿԱՆԱՇԻՆՈՒԹԵԱՆ

yeran(Լրագրողներու Համահայկական 9-րդ Համաժողովին առիթով)
Լրագրութիւնը ես կ'ըմբռնեմ՝ իր առաքելութեան մէջ, որպէս ճշմարիտ, ազատ ու բարեխիղճ խօսք, որ հարազատ ցոլանքը ըլլայ իրականութեան եւ ուղենիշը ապագայի, խօսք որ ըլլայ արթնութեան եւ սթափութեան հրաւէր....Իսկ նման խօսքը հիմքերէն մէկն է պետականաշինութեան: Ի զուր չէ ըսուած՝ «Ի սկզբանէ էր Բանն»...Արդարեւ, Խօսքն է որ կը կառուցէ կամ կը քանդէ, կ'ազատագրէ կամ ինքնախաբէութեան կ'առաջնորդէ, կը լուսաբանէ կամ կը մոլորեցնէ, կը սթափեցնէ կամ կ'օրօրէ սուտով ու կեղծիքով, ձայն կու տայ ձայնազուրկին, կամ կը կոծկէ իրականութիւնը... Խօսքը, այս պարագային՝ լրագրութիւնը կամ հրապարակագրութիւնը, պատասխանատւ առաքելութիւնը ունի հանրային կարծիք ձեւաւորելու եւ զայն առաջնորդելու, այնպէս որ կարելի է գուցէ ըսել՝ որպիսին է այդ խօսքը, նոյնպիսին կ'ըլլայ հաւաքականութիւնը, նոյնպիսին կ'ըլլայ պետութիւնը...

Լրագրութիւնը չէ կոչուած երբեք գեղեցկախօսելու կամ հաճոյախօսելու, քծնելու իշխանութեանց կամ շողոքորթելու զանոնք, դառնալու անոնց քարոզչական բեմը կամ խօսափողը: Հարց կարելի է տալ, թէ արդեօք ի՞նչ աշխարհ մը պիտի ունենայինք, ընդհանրապէս, եթէ չըլլար անկեղծ ու անաչառ քննադատը, բան մը բարեփոխելու ուղղութեամբ յանձնառու գրիչը, գրիչները, որոնք հոգեպէս տառապելով կը քննադատեն, սրբագրելու համար թիւրն ու թերին, արատաւոր երեւոյթները...ազդակ դառնալով հանրութեան զգօնութեան, կեանքի յառաջընթացին ու զարգացումին:

Այս տրամաբանութեամբ ալ, հայ զանգուածային լրատուամիջոցները պէտք է կարենան իրենց մատը դնել մեր արիւնող վէրքերուն վրայ, պայթեցնելու համար պալարը, զանոնք դարմանելու առաջադրութեամբ, մատնանշելով հայ կեանքի մէջ վխտացող խոցելի երեւոյթները: Այնքան դիւրին է էջեր լեցնել այս կամ այն հատուածի, այս կամ այն իշխանութեան քարոզչութիւնը ընելով, «լաւ մարդ» երեւնալ եւ որքան դժուար է մաքուր եւ հիմնաւորուած քննադատութեամբ ձգտիլ սխալներու կամ բացթողումներու դարմանումին եւ «գէշ» մարդ դառնալ...

Լրագրողներու յաջորդական համաժողովներուն, որոնք կայացան Հայաստանի Հանրապետութեան յետ-անկախացման տարիներուն, կանոնաւոր հերթականութեամբ, ցաւ է արձանագրել որ մեր մէջ շատ սակաւ էին այն լրագրողները կամ հրապարակագիրները, որոնք բարձրաձայնեցին հայրենական կեանքի արատաւոր երեւոյթներէն ամէնէն ուշագրաւները, արտագաղթէն մինչեւ ընտրութեանց եղծանում,...(մանրամասն)

Հարցազրոյց

Վարդան Պետրոսեան. «Հայ մարդն իր մէջ որոշում է կայացրել՝ այլեւս չապրել գաղջի մէջ»

yeran-Վարդա՛ն, երկու օր է Երեւանում էք, բնական է՝ հետեւել էք շարժմանը սփիւռքից: Ի՞նչ էք զգացել, տեսել, արձանագրել:
-Ճիշտ է, որ առաջին օրուանից հետեւել եմ շարժմանը: Եւ ես մենակ չեմ: Սփիւռքում մարդիկ առաւօտից երեկոյ ինտերնետով հետեւում են Հայաստանի իրադարձութիւններին: Բոլորը հոգով, սրտով, ամբողջ էութեամբ մեր ժողովրդի հետ են: Շատ-շատերը այս պահին կ'ուզենան ներկայ լինել Հայաստանում: Բայց շատերը չունեն այդ հնարաւորութիւնը: Ես կարողացայ գալ, որովհետեւ դրսում լինելն արդէն դառնում էր անտանելի: Ուզեցի ֆիզիկապէս ներկայ լինել: Կան պրոցեսներ, երբ հեռւում լինելը շատ դժուար է: Նաև ինձ անհանգստացնող երեւոյթներ կային, դա էր պատճառը, որ ուզեցի անպայման ներկայ գտնուել, բայց ոչ միայն ֆիզիկապէս ներկայ լինել, այլեւ ապրել այս պահերը:
-Գալով Երեւան, դուրս գալով փողոց, հրապարակ՝ ի՞նչ փոփոխութիւն տեսաք մարդկանց մէջ:
-Առաջին փոփոխութիւնը՝ շարժումը առաջ են տանում երիտասարդները, շարժման ղեկը երիտասարդների ձեռքին է: Սա ամենակարեւորն է, ամենայուզիչն ու ամենաողջունելին: Երիտասարդները չեն ուզում ապրել այնպէս, ինչպէս ապրում էին առաջ: Ուղղակի պէտք է կանգնել նրանց կողքին: Մեր սերունդն ինչ արեց-արեց՝ լաւ արեց, վատ արեց, արդէն նշանակութիւն չունի: Բայց այսօր երիտասարդները գնում են առաջ, նրանք այլ կերպ են ուզում ապրել, այլ կերպ են տեսնում կեանքը:
Ես երէկ մտել եմ մի պետութիւն, որը նման չէր նախկինում տեսածս Հայաստանին: Տեսէք՝ ինչքան ուրախութիւն կայ, ինչքան ժպիտ, ինչքան համարձակութիւն: Երբ ամէն անգամ գալիս էի Հայաստան, զգում էի, որ մարդկանց մէջ ինչ-որ ճնշուածութիւն կար, վախ կար: Հարցեր էին տալիս՝ բա՛, Վարդա՛ն ջան, ինչ ա լինելու, դու ոնց ես տեսնում ելքը, էս վիճակը ինչքան կը շարունակուի: Ինչքան կարողանում էի, գօտեպնդում էի մարդկանց ներկայացումներովս, մարդկանց հետ առանձին խօսակցութիւնների ժամանակ: Բայց այսօր այն, ինչ տեսայ, շատ-շատ կարեւոր է: Մարդիկ ձերբազատուել են վախից, իրենք իրենց վախերն են յաղթահարել, դարձել են ուրիշ մարդ, ճիշտ մարդ:
Բոլորը հասկանում են, որ դժուարութիւններ կան ու դեռ առջեւում են, բայց կայ պետութիւն կառուցելու գիտակցումը: Անդառնալի դրական, լաւ, լուսաւոր երեւոյթներ են տեղի ունեցել: Վերջնականապէս հայ մարդն իր մէջ որոշում է կայացրել՝ ես այլեւս չեմ կարող գաղջի մէջ ապրել: Եւ սա որոշ քաղաքական ուժեր, եթէ կարելի է նրանց այդպէս անուանել, պէտք է վերջապէս հասկանան: Արդէն դեմագոգիայի ժամանակը չէ, էլ ոչ մէկի դրանով չես խաբի: Սա այլեւս իրենց իմացած ժողովուրդը չէ:(մանրամասն)

Յօդուածներ

ԱՐՁԱՆԸ

ՅԱԿՈԲ ՄԻՔԱՅԷԼԵԱՆ

yeranՄայիսի 27-ի երեկոյեան կը մօտենամ Հանրապետութեան հրապարակի մեթրոյի կայարանին յարակից այն վայրին, ուր պիտի տեղադրուի Հայաստանի առաջին հանրապետութեան կերտիչներէն Արամ Մանուկեանի արձանը, եւ որուն հանդիսաւոր բացումը պիտի կատարուի յաջորդ օր, Մայիսի 28-ին, Առաջին հանրապետութեան 100-ամեակին առթիւ: Արձանին պատուանդանը, որ ամիսներ առաջ սկսած էին պատրաստել, աւարտած է, սակայն արձան չկայ... Կ՛ըսեմՙ երեւի գիշերը պիտի բերեն, տեղադրեն:(մանրամասն)

ՇՆՈՐՀԱՒՈ՛Ր՝ ՀԱՅՈՒԹԵԱՆ,

ՓՈՒԼՆ ԱՌԱՋԻՆ՝ ՓՐԿՈՒԹԵԱՆ…

yeranՄօտ քառորդ դար արմատակալած ՕԼԻԿԱՐԽԻԱՆ՝ կամովին եւ հեշտօրէն, պիտի չզիջի իր դիրքերը թէեւ՝ բայց մենք կը շնորհաւորենք Հայ ժողովուրդը, գէթ Առաջին Փուլը՝ ՓՐԿՈՒԹԵԱՆ։
Արեւելահայաստանի օլիգարխիական համակարգի իշխանաւորներու պարագլուխ՝ Սերժ Սարգսեանը չհրաժարեցաւ կամովին, այլ՝ հրաժարեցուեցաւ հակառակ իր կամքին, քանի որ ան, ձեւականօրէն եւ ժամանակաւորապէս հրաժարելէն միայն երկու օր առաջ, սպառնացած էր՝ «Նոր Մարտ Մէկ»ով մը…։(մանրամասն)

«Ատրպէյճանական Լուացքատան» Գաղտնի Ծրագիրով 1,5 Միլիոն Տոլար Վճարուած է Ամերիկեան Լոպպիստական Ընկերութեան

yeranԿազմակերպուած յանցագործութեան եւ կաշառակերութեան լուսաբանման նախագտծի (OCCRP) համացանցային կայքը անցեալ շաբաթ բացայայտեց հաւանաբար ապօրինի լոպպինկ ԱՄՆ-ի մէջ, որ նիւթական աջակցութիւն ստացած է ատրպէյճանական աղբիւրներէ:(մանրամասն)

«Արդ, Հասնինք Գլխագիր Բանին»

yeranԱրա Արծրունիին առաջին անգամ հանդիպեցայ 11 յուլիս 2017-ին, երբ Արամ Ա. վեհափառ հայրապետի մտայղացումով եւ կազմակերպութեամբ կը մասնակցէինք «Սփիւռքի հայը նոր հորիզոններու դիմաց» գիտաժողովին` Պիքֆայա, Լիբանան: Գիտէի, որ ան գաղութին մէջ ծանօթ արձակագիր եւ թատերագիր է, բայց, ինչ խօսք, ծանօթ չէի անոր գործերուն: Բայց «Գասպար Իփէկեան» թատերախումբը մեզի առիթը տուաւ ծանօթանալու իր թատերական մէկ գործին` «Կոնտոլեզիա` իմ սէր»-ին, որ բեմադրուեցաւ 13 մայիս 2018-ին:(մանրամասն)

Յոբելեաններ

Երանուհի Ղազարեան

yeran50-ամեակը դասարանիս Մելգոնեան Կրթական Հաստատութենէն շրջանաւարտութեան: Չյաւակնելով մեր տարեդարձը համեմատել վերոյիշեալ ազգային յոբելեաններուն, Լուսոյ Տաճարին 1968-ի շրջանաւարտներս - 23 հոգի, առաւել ամուսիններ, տարբեր տարիներու շրջանաւարտներ, միշտ մեզի ընկերակցող հաւատարիմ հետեւորդներ, ընդհանուր թիւ 60 հոգի - նոր յոյսով լեցուն մեր հայրենիքին մէջ Մայիս 11-18 հպարտութեամբ նշեցինք մեր 50-ամեայ յոբելեանը: Վերջին տասնամեակին մեր չորրորդ հանդիպումն էր այս – 2008՝ Հայկական Ծովագնացութիւն, 2011՝ Հայաստան, 2013՝ Կիպրոս - եւ կու գայինք Կիպրոսէն, Լիբանանէն, Յունաստանէն, Պոլիսէն, Ֆրանսայէն, Շուէտէն, Գանատայէն ու ԱՄՆ-էն:(մանրամասն)

Գրական-Մշակութային

ՓՈՒՆՋ ՄԸ ԲԱՆԱՍՏԵՂԾՈՒԹԻՒՆՆԵՐ՝

yeran

 

 

 

ԱԶԱՏՈՒԹԻՒՆ
Ազատութի՛ւն, շողացիր դուն
արեւափայլ
Կեանքիս բոլոր ճամբաներուն
մրրկահար...
Մերթ դուն դարձար անհա՛ս թռչուն,
կապո՛յտ երազ
Մերթ ալ՝ անչափ մօտիկ ինծի
զերթ սրտիս զարկն...
Ափերս միշտ քե՛զ երկարած
ես ապրեցայ
Շունչս շունչէ՛դ միշտ կեանք առաւ
լուսավարար...
Եւ ես գիտցայ որ դուն մընաս
յար աննուա՛ճ
Ծարաւովդ ես տոչորի՛մ
կեանք մը համակ
Վերստեղծեմ քու պատկերդ
անմահական
Եւ այդ տենդով ու այդ տենչով
մնամ ազա՛տ...
(մանրամասն)

Մխիթարեան Միաբանութիւն

300-ԱՄԵԱՅ ԼՈՅՍ ԵՒ ԾԱՌԱՅՈՒԹԻՒՆ

Մխիթարեան Միաբանութեան մշակութային վաստակը 1700-2005

yeranՄխիթար Վրդ. Սեբաստացի Աբբահայրը (1676-1749) եղաւ այն փայլուն եւ կարող աստղերէն մին, որ հայոց երկնակամարին վրայ փայլեցաւ: Մխիթար ԾՐԱԳԻՐ մը դրած էր իր կեանքին, հիմնելով իր Միաբանութիւնը: Ան կ'ուզէր վերականգնել իր ազգին Մշակոյթը, Լեզուն, Պատմութիւնը, Ծէսն ու Հաւատքը, Գիրն ու Գրականութիւնը:(մանրամասն)

ՆՈՐ ՀՐԱՏԱՐԱԿՈՒԹԻՒՆՆԵՐ (1)

yeranԱնհրաժեշտ հատոր մը, արդարութիւն ընելու համար տաղանդաւոր երգիծանկարիչի մը, որ կէս դար տիրական – թերեւս լաւ է ըսել՝ Տիրանակա՛ն - ներկայութիւն մըն էր լիբանանեան ընկերային եւ քաղաքական կեանքին մէջ։ Փայլուն դէմք մը, որ լոյսի կը բերէր երկրին եւ մարդոց ստուերոտ երեսները, իր այնքան ինքնուրոյն մօտեցումով։ Ան նաեւ իր մնայուն տեղը ապահոված էր հայկական արուեստի պատմութեան մէջ եզակի ստեղծագործութիւններով։ Հատորին խմբագիրն է երգիծանկարիչին աղջիկը՝ արուեստաբան Սիլվիա Աճեմեան, որ Պէյրութի Սուրսօք թանգարանի խնամակալուհին է։(մանրամասն)

ԱՆՆԱԽԱՏԵՍԵԼԻ

yeranՆոէլիային մայրը սրդողած կը լսէր Մարիին բերնէն՝ տաք լաւայի նման դուրս հոսող, իր աղջիկը վարկաբեկող եւ նուաստացնող զրպարտութիւնները. բայց խոհեմութիւն համարեց չհարցնել, թէ ուրկէ՛ հաւաքած էր այդքան տեղեկութիւն. փորձեց ինքզինք զսպել եւ դէմքի անայլայլ եւ անտարբեր արտայայտութեամբ՝ շարունակեց մտիկ ընել :
Իրենց թաղամասին մէջ բամբասողի համբաւ վայելող այս վհուկը եկած էր իմացնելու Ալիսին, որ իր ուշադրութիւնը գրաւած էր, որ աղջիկը մի քանի անգամ անծանօթ մարդու մը ինքնաշարժը կը մտնէր եւ առանց քաշուելու կը համբուրէր զինք:
(մանրամասն)

Տեսակէտ

ԱՆԿԱԽՈՒԹԵԱՆ 100-ԱՄԵԱԿԻ ԱՌԻԹՈՎ, ԲԱՅՑ ՈՉ ԱՆՊԱՅՄԱՆ ԱՆՈՐ ՄԱՍԻՆ

yeranԱնցեալ դարու Ֆրանսացի մեծ մտաւորականներէն էր Ռէյմոն Արոն (1905-1983): Իր մտածումներու առանցքին գտնուած են մասնաւորաբար պատմութիւնը, քաղաքականութիւնը, ընկերային եւ ազգային հարցերը: Իր կարեւորագոյն երկերէն է պատմութեան ըմբռնումին նուիրուած իր գիրքը, Les dimensions de la conscience historique, լոյս տեսած 1961-ին: Մեծ եւ փոքր ժողովուրդներ չկան պատմութեան ընթացքին վրայ ազդելու համար: Մեծն Աղեքսանդր մեծ ժողովուրդի առաջնորդը չէր: Հիւսիսային Քորէայի Գերագոյն պետը Քիմ Ճոն-Էօն, ծնած 1984-ին, համեմատաբար փոքր երկրի մը ղեկավարն է, բայց տիրապետելով գիտութեան ընձեռած ուժին (հիւլէական ռումբ եւ հեռահաս հրթիռ), ինքզինք կոչած է դասական մեծերու ակումբի անդամութեան:(մանրամասն)

100-Ամեակեան Թուաբանութիւն Ա.+ Բ.+ Գ. Հանրապետութիւններ = Անկախութիւն

yeranՀայ ժողովուրդը կլանուած է Հայաստանի անկախութեան 100ամեակով, զայն նկատելով իր գոյութեան եւ յաւերժութեան դափնեպսակը:
Եւ արդարօրէ՛ ն:

Սակայն, պահ մը հարց տանք.
- Ո՞ր անկախութեան մասին է խօսքը
- Ո՞ւր կը գտնուին անոր յաջորդական օղակները
- Իւրաքանչիւր հայ նո՞յն ձեւով կ'ըմբռնէ զայն
- Պատմութիւնը ինչպէ՞ս կը գնահատէ զայն
- Առարկայական արժեւորումը ո՞ւր կը գտնուի(մանրամասն)

«Մի թքիր երկիր պահող աղքատների հոգուն…»

yeranԱյս յօդուածի առաջին տողերն էի գրել, ու յանկարծ հեռախօսազանգ, իմ ռուս բարեկամն էր, Վալենտին Վոլկովը, Մոսկուայից էր զանգահարել. «Այն, ինչ կատարուեց ձեր փոքրիկ երկրում, հրաշքի էր նման։ Դաժան փորձութիւնների միջով անցած ձեր տաղանդաւոր ժողովուրդը կրկին ցոյց տուեց, թէ ինչի է ընդունակ։(մանրամասն)

Առաջինէն Մինչեւ Չորրորդ Հանրապետութիւն

yeranՄայիս 28ով հռչակուած Հայաստանի Ա. հանրապետութիւնը, որուն հարիւրամեակի նշումը պիտի կատարուի այս ամիս սփիւռքի եւ հայրենիքի մէջ, հազարամեակի վրայ կորսուած եւ կոխկռտուած մեր ազգային պետականութեան օրհնեալ վերականգնումը եղաւ։ Ցեղասպանուած մեր ժողովուրդի գլխատուած ղեկավարութեան ճակատագրին չենթարկուած մնացորդացին վիճակուեցաւ իշխել դժուար պայմաններու տակ,,...(մանրամասն)

Հայանուն Փաշաներ Կ'ամբողջացնեն․․․Թուրքին Գործը

yeranՏարի մը առաջ պատրաստուած ներքոյիշեալ յօդուածը որոշած էի չհրատարակել, բայց ի տես Հ․Բ․Ը․Մ.ի Յովակիմեան-Մանուկեան մանչերու ու Դարուհի Յակոբեան աղջկանց եկրորդական եւ Լեւոն Նազարեան նախակրթարան վարժարանները փակելու որոշումներուն՝ հարկաւոր է ահազանգել որ այս կարգադրութիւնները արեւմտահայերէն լեզուին վերացման վերջին քայլերն են եւ ընդհանրապէս սփիւռքի հոգեվարքի նախանշանները:(մանրամասն)

Անցուդարձ

ՀԱՅԱՍՏԱՆԻ ՄԷՋ ՆՇՈՒԵՑԱՒ Ա. ՀԱՆՐԱՊԵՏՈՒԹԵԱՆ 100-ԱՄԵԱԿԸ

yeranՌազմական շքերթ, հանդիսաւոր տօնակատարութիւն. Հայաստանի մէջ նշուած է Առաջին Հանրապետութեան 100-ամեակը Հայաստանի մէջ հանդիսաւորութեամբ նշուած է Առաջին Հանրապետութեան եւ Մայիսեան հերոսամարտերու 100-ամեակը:(մանրամասն)

ԱԱԾն Կը Խոստանայ Կաշառակերութեամբ Հարստացած Մարդոց Բացայայտում

yeranԱզգային անվտանգութեան ծառայութիւնը (ԱԱԾ) կ՛իրականացնէ աշխատանք՝ կաշառակերութեան շղթաներու յայտնաբերման ուղղութեամբ: Լրատուամիջոցներու ղեկավարներու հետ հանդիպման ընթացքին, ըստ «Արմէնփրէս»ի, այս մասին յայտնեց Հայաստանի Ազգային անվտանգութեան ծառայութեան տնօրէն Արթուր Վանեցեան: «Կարճ ժամանակի ընթացքին ականատես պիտի ըլլանք մեծ կաշառակերութեան գծագիրներով հարստացած մարդոց յայտնաբերման եւ օրէնքի ուժով պատասխանատուութեան ենթարկման:(մանրամասն)

Ազգային Ժողովին Մէջ Քննարկուեցաւ Եւ Վաւերացուեցաւ Հայաստանի Կառավարութեան Ծրագիրը

yeranՀայաստանի Հանրապետութեան Ազգային ժողովին մէջ, 7 Յունիսին՝ քննարկուած եւ ընդունուած է կառավարութեան ծրագիրը: Ներկայացուած ծրագիրը ընդունուած է ձայներու 69 կողմ, 39 դէմ յարաբերակցութեամբ: Իր ելոյթին ընթացքին Հայաստանի Հանրապետութեան վարչապետ Նիկոլ Փաշինեան անդրադարձած է զանազան հարցերու, ծրագիրներու: «Մեր կարեւորագոյն խնդիրը արտահերթ խորհրդարանական ընտրութիւններու կազմակերպումն է` ազատ, արդար ու թափանցիկ ընտրութիւններու կազմակերպումը», ըսած է վարչապետ Նիկոլ Փաշինեան:(մանրամասն)

Արցախի մէջ բարձրաստիճան պաշտօնեաներ հրաժարական ներկայացուցած են եւ նորեր նշանակուած են

yeran7 Յունիսին Արցախի մէջ իրենց հրաժարականները ներկայացուցին Արցախի պետական նախարար Արա Յարութիւնեան, Ազգային անվտանգութեան ծառայութեան պետ Արշաւիր Ղարամեան եւ ոստիկանապետ զօրավար-գնդապետ Կամօ Աղաջանեան:(մանրամասն)

Փաշինեան Շեշտեց Բանակցութեանց Արցախի Մասնակցութեան Կարեւորութիւնը

yeranԵՐԵՒԱՆ.- Հայաստանի Հանրային ձայնասփիւռի կայանը կը հաղորդէ, թէ կառավարութեան ծրագիրի քննարկման ընթացքին, վարչապետ Նիկոլ Փաշինեան շեշտած է, որ պատրաստ է Արցախի հարցով բանակցութեանց սկսելու Պաքուի հետ, սակայն աւելցուցած է, որ բանակցութիւնները շատ աւելի արդիւնաւէտ պիտի ըլլան, եթէ անոնց մասնակցին Արցախի Հանրապետութեան ներկայացուցիչները։ Ան յիշեցուցած է, որ մինչեւ 1998 թուական, բանակցութեան սեղանին վրայ կը գտնուէին Արցախի ներկայացուցիչները, սակայն այդ իրողութիւնը այժմ դարձած է «լաւապէս մոռցուած անցեալ»ի մէկ մասը։(մանրամասն)

Փաշինեան. «Շահագրգռուած Ենք Նոր Ազդակ Հաղորդելու Հայ-Իրանական Կապերուն»

yeran8 յունիսին Հայաստանի վարչապետ Նիկոլ Փաշինեան հանդիպում ունեցած է Հայաստանի մէջ Իրանի դեսպան Սէյէտ Քազեմ Սաճատիի հետ: Քննարկումի նիւթ եղած է փոխադարձ յարաբերութիւններուն կարեւորութիւնը: Հանդիպումին ընթացքին վարչապետ Փաշինեան շեշտած է, որ ամէն ճիգ ի գործ պիտի դրուի նոր ազդակ հաղորդելու հայ-իրանական կապերուն` փոխադարձ շահերու հիման վրայ:(մանրամասն)

ԱԿՆԹԱՐԹՆԵՐ

yeranԱմէն մէկ հայ անհատապէս անչափ տաղանդաւոր է, բանիմաց, բազում կարողութիւններով օժտուած, բայց ինչպէ՞ս է որ նոյն այդ հայը միւս հայուն հետ չի համագործակցիր ընդհանրապէս, չընդունիր անոր արժանիքները, հոգեմտաւոր թէ այլ ընդունակութիւնները, չընդունիր իր ես-էն բան մը զիջիլ յանուն հաւաքականին, յանուն ընդհանրականին, կը պնդէ ի՛րը, իրենի՛նը, եւ կը բռունցքուի միայն ծայրայեղ պարագային, երբ մահու կենաց սահմանին վրայ է...իսկ այդ սահմանը երեւոյթ թէ աներեւոյթ կայ ներկայիս ալ եւ գրեթէ բոլոր ժամանակներուն:
.............
Բնութեան հրաշքները տրուած են բոլորին հաւասարապէս եւ անվճար...կը մնայ գնահատել ու արժեւորել մէն մի ծաղիկն ու ծառը, թուփն ու տերեւը, երկինքն ու աստղերը...բնութեան մէջ կատարուած փոքրիկ մէկ պտոյտը այնքա՛ն անդորրաւէտ է հոգւոյն համար...նաեւ ներշնչող, միտք ու սիրտ լիացնող... կարելի՞ է արդեօք ըսել, որ կեանքի ճշմարիտ վայելքները ձրիաբար պարգեւուած են բոլորին...անոնց մէջ է բուն երջանկութիւնը...
.............
Երանի՛ այնքան զօրաւոր ըլլայինք որ մեր արժեհամակարգը օրինակ ըլլար այլոց, մեր մշակոյթի ստեղծած գանձերը ներշնչարան դառնային իրենց համար, մեր ուրոյն նկարագիրը, աշխարհազգացողութիւնը, ապրելակերպը ոգեշնչէին ուրիշները....տակաւին մեր Մեծասքանչ լեզուն բաղձային սորվիլ, անով կարդալ փափաքէին Մեծն Նարեկացիի մատեանը եւ այլ մեծերու ստեղծագործութիւնները....: Արդեօ՞ք անիրագործելի երազ է սա...Բնա՛ւ երբեք: Տասներորդ դարուն, երբ մենք կառուցեր էինք հազարագմբէթ հիասքանչ ոստանը՝ Անին, ունէինք մատենագրութիւն, Նարեկացի....անգլիացիները «ծառերու վրայ էին», ինչպէս պիտի ըսէր Christopher Walker, Մելգոնեան Կրթական Հաստատութեան պատմական բեմէն..: Կրնա՞նք մեր դարաւոր մեծութիւնը ետ բերել...Սա պիտի ըլլայ մեր մարտահրաւէրը....եւ կրնանք, եթէ մեր ամբողջ անհատական-ազգային հոգեմտաւոր ներուժը, ոգիի տքնանքը ուղղենք այդ սրբազան նպատակին եւ ի կատար ածենք մեր առաքելութիւնը...
.............
Ինչպէ՞ս կրնաք լռեցնել ձայնն արդարութեան ու ճշմարտութեան, որ արեւին ճառագայթներուն նման անպայմանօրէն պիտի ճեղքէ սուտերու խաւարը եւ ճաճանչափայլ շողարձակէ իր լոյսը՝ ուզէք թէ չուզէք...բնութեան եւ տիեզերքի անխախտ օրինաչափութեամբ:
.............
Ճակատագրական պահեր կան՝ «Այո» կամ «Ոչ» ըսելու, վճռակամութիւն եւ կեցուածք ցուցաբերելու, առանց որեւէ յետին հաշիւի, զուտ արդարութեան եւ ճշմարտութեան սիրոյն, որոնցմէ կախեալ է ազատ ու արժանապատիւ կեանքը՝ անհատական թէ ազգային-հաւաքական մակարդակներու վրայ ալ...Սա սահմանագիծ է, ուր շատ-շատեր կ'ընկրկին, չեն ուզեր «գէշ» մարդ դառնալ, վնասել իրենց դիրքին, պաշտօնին...եւ կը կենան լուռ, կը սպասեն...մինչեւ որ ջուրերը հանդարտին...յետոյ կը ճառեն լորձնաշուրթն եւ ամպագորգոռ հայրենասիրութեան մասին:
.............
Ճշմարիտ գրողը արարչական կայծը կը կրէ իր մէջ եւ իր գրիչը ի գործ կը դնէ լուսաւորելու համար մարդկային կեանքը՝ ճշմարիտին, ազնիւին ու գեղեցիկին լոյսով....Գրելը ինքնանպատակ չէ երբեք, այլ ստեղծագործ միջոց՝ բարեփոխելու մարդ էակին, ազգին ու մարդկութեան կեանքը, զայն դարձնելու առաւել մարդկայնական ու Աստուածամերձ
(մանրամասն)

ՔԱՌԵԱԿՆԵՐ

yeran

 

 

 

Յաւերժութեան մատեանին մէջ
Օրերը՝ սոսկ ակնթարթներ
Բայց յաւերժն ալ ինքզինք ճանչնայ
Երբ դիտէ լուռ ակնթարթներն..
(մանրամասն)

Այլազան

Կեսարիոյ Ս. Աստուածածին հայկական եկեղեցին գրադարանի պիտի վերածուի

yeranՆերկայի Թուրքիոյ Կեսարիա քաղաքին մէջ գտնուող Սուրբ Մարիամ Աստուածածին հայկական եկեղեցին կը վերածուի գրադարանի։ Կեսարիոյ քաղաքապետարանը արդէն սկսած է եկեղեցւոյ շինութեան վերանորոգման աշխատանքները։ Օսմանեան ժամանակաշրջանին պատկանող այս կառոյցը նախապէս, տարբեր ժամանակահատուածներու, ծառայած է իբրեւ ոստիկանական բաժանմունք եւ մարզասրահ։(մանրամասն)

Քրեմլինի մէջ Փութին-Փաշինեան Հանդիպումը կայացաւ

yeranՀայաստանի վարչապետ Նիկոլ Փաշինեան Ռուսիա կատարած պաշտօնական այցելութեան ծիրին մէջ հանդիպում ունեցած է Ռուսիոյ նախագահ Վլատիմիր Փութինի հետ: Ռազմավարական գործընկեր երկու պետութիւններու ղեկավարները քննարկած են հայ-ռուսական երկկողմանի ու բազմակողմանի ձեւաչափով յարաբերութիւններու օրակարգին եւ համագործակցութեան վերաբերող հարցեր:(մանրամասն)

"Բաւական մեծ գումարներ պիտի վերադարձուին պետական պիւտճէ", կը յայտարարէ ԱԱԾ-ի պետը

yeranՄայիս 19-ին լրասփիւռներու ղեկավարներուն հետ հանդիպում ունեցած է Ազգային անվտանգութեան ծառայութեան (ԱԱԾ) նորանշանակ պետ Արթուր Վանեցեան։ Ան յայտարարած է, թէ վարչապետին յանձնարարութեամբ՝ կառուցային փոփոխութիւն պիտի կատարուի ԱԱԾ-ի համակարգին մէջ։ Ըստ Վանեցեանի՝ կառոյցը մնացած է խորհրդային տարիներէն եւ հիմա պէտք է փոխել, որ այսօրուան պահանջներուն պատշաճ ըլլայ ու արդիւնաւէտ:(մանրամասն)

Պատգամաւոր Մանուէլ Գրիգորեանը եւ Արթուր Ասատրեանը ձերբակալուած են

yeranՀայաստանի Հանրապետութեան Ազգային անվտանգութեան ծառայութեան (ԱԱԾ) աշխատակիցները, յանցաւորութեան դէմ պայքարին ուղղուած իրենց գործառոյթներու իրականացման շրջագիծին մէջ, 16 Յունիս 2018-ին Էջմիածին քաղաքին մէջ, երկու տարբեր քրէական գործերով, միաժամանակ իրականացուցած են խուզարկութիւններ, որոնց ծիրին մէջ յայտնաբերուած է ապօրինի պահուող մեծ քանակութեամբ զէնք եւ ռազմամթերք:(մանրամասն)

Բակօ Սահակեան Պիտի Չմասնակցի Արցախի Նախագահի Ընտրութիւններուն

yeranԵՐԵՒԱՆ, «Արմէնփրէս».- Արցախի Հանրապետութեան նախագահ Բակօ Սահակեան պաշտօնապէս յայտարարեց, որ 2020ին կայանալիք Արցախի նախագահի համաժողովրդական ընտրութիւններուն իր թեկնածութիւնը պիտի չառաջադրէ: Բակօ Սահակեան նման յայտարարութեամբ հանդէս եկաւ Արցախի եւ Հայաստանի Հանրային պատկերասփիւռի կայաններուն տուած հարցազրոյցին ընթացքին:(մանրամասն)

"Մեծ ցանկութիւն ունիմ գալու եւ աչքերովս տեսնելու նոր Հայաստանը", կը գրէ Ազնաւուր Փաշինեանին

yeranՆիկոլ Փաշինեանի տարեդարձին առթիւ՝ Շառլ Ազնաւուր Յունիս 1 թուակիր շնորհաւորական ուղերձ մը ղրկած է անոր, ուր կ՚ըսուի.-«Թանկագին պարոն վարչապետ,Ձեր տարեդարձին առիթով Ձեզի կը յղեմ լաւագոյն բարեմաղթանքներս, ինչպէս նաեւ անկեղծ շնորհաւորութիւններս՝ վարչապետի պաշտօնին ընտրուելու կապակցութեամբ։ Վստահ եմ, որ Դուք յաջողութեամբ պիտի կատարէք Ձեր առաքելութիւնը՝ նախ եւ առաջ ի պաշտպանութիւն մեր ժողովուրդի շահերուն։ Ինչպէս գիտէք, ես խոր յուզումով կը հետեւէի հաաստանեան իրադարձութիւններուն եւ մեծապէս հպարտ եմ իմ ժողովուրդով ու անոր դրսեւորած վարքագիծով։(մանրամասն)