Ազատ Խօսք - Ելեկտրոնային Անկախ Պարբերաթերթ

կայք էջ : www.azadkhosk.com

Խմբագիր - Երան Գույումճեան

Թիւ (68) Ապրիլ 2017

Կիպրահայ

Կիպրոսի խորհրդարանի նախագահը Հայոց ցեղասպանութիւնը ճանչնալու կոչ ըրած է միջազգային հանրութեան antsoutarts1a

Կիպրոսի խորհրդարանը Ապրիլ 7-ին տեղի ունեցած նիստին դատապարտած է Հայոց ցեղասպանութիւնը` միջազգային հանրութեան զայն ճանչնալու կոչ յղելով:
Նիստի աշխատանքները սկսելէ առաջ խորհրդարանի բանբեր Տիմիթրիս Սիլուրիս դիմելով ներկաներուն՝ նշած է, որ հարիւր տարի անցած է 1915-ի Հայոց ցեղասպանութենէն ասդին, —երբ թրքական պետութիւնը ցեղային մաքրագործման դիմեց ընդդէմ Հայութեան,— եւ Թուրքիա դեռ կը շարունակէ ժխտել 1,5 միլիոն Հայերու սպանդը:
Սիլուրիս յիշեցուցած է, որ Կիպրոսի խորհրդարանը աշխարհի առաջիններէն էր, իսկ Եւրոպայի մէջ՝ առաջինը, որ 1975-ին ճանչցաւ եւ դատապարտեց Հայոց ցեղասպանութիւնը` պահանջելով պատմական ճշմարտութեան վերականգնումը:
Իսկ 2015 Ապրիլ 2-ին, ալ կիպրական խորհրդարանը միաձայնութեամբ ընդունեց Հայոց ցեղասպանութեան ժխտումի պատժելիութեան մասին օրինագիծը, զոր ներկայացուցած էին խորհրդարանի բոլոր խմբակցութիւնները: