Ազատ Խօսք

Ելեկտրոնային Անկախ Պարբերաթերթ

Խմբագիր - Երան Գույումճեան

Թիւ (48) Յունիս 2015

  • Թուրքիոյ Խորհրդարանական ընտրութիւններուն արդիւնքով՝ Ազգային Ժողով Մուտք Կը Գործեն Երեք Հայեր
  • Թուրքիոյ Սահմանադրական Դատարանին` Մեծի Տանն Կիլիկիոյ Կաթողիկոսութեան Դիմումը Մեծ Իրարանցում Կը Յառաջացնէ
  • «Սփիւռքահայերը որպէս թշնամի կը ներկայացուին», ըսած է Թուրքիոյ խորհրդարանի հայ երեսփոխանուհին
  • Աշոտ Հայրունի. «Թուրքիոյ Ճնշումով Պունտեսթակի Բանաձեւէն Հանուեցաւ «Ցեղասպանութիւն» Եզրը»
  • Ռիկայի Վեհաժողովի Շրջագիծին մէջ Մերքէլ եւ Սարգսեան Քննարկած՝ Հայաստան-ԵՄ Յարաբերութիւնները
  • "Եթէ Պաքու Յարձակի, Ռազմական Գործողութիւններ Կը Կատարուին Ազրպէյճանէն Ներս"

Կիպրահայ

ՀԱՅ ՄՇԱԿՈՅԹԻ ՕՐ՝ ՆԱԽԱԳԱՀԱԿԱՆ ՊԱԼԱՏԻՆ ՄԷՋ

yeranՀայ մշակոյթն է որ մեզ պահած-պահպանած է որպէս հայ ժողովուրդ ու հայոց երկիր՝ դարերու փոթորկայոյզ ընթացքին մէջ, ընդ հուր եւ ընդ սուր: Մշակոյթ՝ որմէ անբաժան են յատկապէս հայ երգն ու պարը,(մանրամասն)

ՆՈՒՆԷ ԵՍԱՅԵԱՆԻ ՀՐԱՇԱԼԻ ՀԱՄԵՐԳԸ ՆԻԿՈՍԻՈՅ ՄԷՋ

yeranՀայրենի վաստակաւոր եւ սիրուած երգչուհի Նունէ Եսայեան՝ Ուրբաթ 12 Յունիս, 2015-ին, Նիկոսիոյ Համալսարանի Ամփիթատրոնին մէջ, հմայեց Կիպրոսի հայ համայնքը իր «Կանք, պիտի լինենք եւ դեռ շատանանք» հայրենասիրական համերգով:(մանրամասն)

ԱՄԱՎԵՐՋԻ ՀԱՆԴԷՍ

2014-2015 ԿԻՊՐՈՍԻ ՆԱՐԵԿ ՎԱՐԺԱՐԱՆՆԵՐՈՒ

yeranԱմավերջի հանդէսները յատուկ իմաստ եւ խորհուրդ ունին հայերուս համար մասնաւորապէս: Հանգրուանի մը աւարտը եւ նորի մը սկիզբը ըլլալէն բացի, անոնք կը ներկայացնեն Հունձք մը՝ հայ պարման-պարմանուհիներու, որոնք պատրաստուած ըլլալով հայեցի շունչով, հայ ոգիով ու գիտակցութեամբ, կ'ընծայուին հայ կեանքին, որպէս մշտադալար ընձիւղները հայ դարաւոր եւ հաստաբեստ կաղնիին, զոր նոյնիսկ Ցեղասպանութիւնն ու Տարագրութիւնը չկրցաւ տապալել....(մանրամասն)

Խմբագրական

ԱԶԳԱՅԻՆ ԴԱՍՏԻԱՐԱԿՈՒԹԻՒՆԸ՝ ՄԵՐ ԱՊԱԳԱՆ

yeranԻրաւամբ ըսուած է դեռ հի՛ն-հի՛ն դարերէն, որ դաստիարակութիւնը կը փրկէ աշխարհը, եւ մարդը դարէ-դար փորձեր է զայն սահմանել եւ կենսագործել տարբեր տարազումներով....Հին Հելլադայի մեծ փիլիսոփայ Սոկրատեսի ընդհանրական սահմանումը անոր, կը մնայ ցարդ անգերազանցելի, ըստ իմ հայեցողութեան: «Ծանի՛ր Զքեզ»ը՝ պատուիրանի նման հնչող եւ ինքնաճանաչման հրամայականը շեշտող իր հրահանգով, հիմքերու հիմքը կը թուի ըլլալ Դաստիարակութեան, գիտելիքներէն, լեզուի իմացութիւններէն եւ հանրագիտարանային ծանօթութիւններէն գերիվեր..., քանզի ի՞նչ կ'արժեն վերոնշեալները, եթէ մարդը զանոնք օգտագործէ մարդկային չարիքին, մահ ու աւեր սփռելուն, մարդը մարդուն թշնամացնելուն, մարդը մարդուն գայլ դարձնելուն, կամ մարդ էակի ռոպոթացման...: Ինքնաճանաչո՛ւմ որպէս մարդ էակ: Ո՞վ ենք, ինչո՞ւ կ'ապրինք, ո՞ւր կ'երթանք....Ո՞րն է մարդ էակի առաքելութիւնը, ի՞նչ է կեանքի բուն նպատակը...Դաստիարակութիւնը կը ձգտի նմանատիպ հարցումներուն պատասխանը տալ եւ զայն կենսագործել, ոչ թէ բացարձակապաշտ մօտեցումով, այլ յատկապէս մշտարծարծ պահելով այդ հարցումներուն էական կարեւորութիւնը մարդ էակի գիտակցութեան մէջ: Հոս է որ բարոյական-հոգեւոր արժէքները կը զգենուն հիմնական կարեւորութիւն, ...(մանրամասն)

Հարցազրոյց

Բացառիկ Հարցազրոյց ԱՍԱԼԱ-ի Ներկայացուցչի հետ

yeranՀարցում.-Հայաստանի Հանրապետութեան արտաքին քաղաքականութեան մէջ, յատկապէս Հայաստան-Թուրքիա յարաբերութիւններում ի՞նչ դերակատարութիւն կարող է ունենալ Սփիւռքը:

-Հայաստանի Հանրապետութեան արտաքին քաղաքականութեան եւ յատկապէս Հայաստանի Հանրապետութիւն – Թուրքիոյ Հանրապետութիւն յարաբերութեանց մէջ Սփիւռքի դերակատարութեան մասին խօսելէն առաջ, ու նաեւ Հ.Հ.–Սփիւռք արդիւնաւէտ յարաբերութիւններ ունենալու,...(մանրամասն)

Ինչու Նարեկացին, և Ինչո՞ւ Հիմա․․․ Հրաչեայ Թամրազեանի Մեկնութիւնը

yeranՀարցում.-Պարոն Թամրազեան, Վատիկանում Հռոմի պապի կողմից Գրիգոր Նարեկացին Հայոց ցեղասպանութեան 100-րդ տարելիցին նուիրուած պատարագին Տիեզերական եկեղեցու վարդապետ հռչակուեց: 35 տիեզերական վարդապետների կողքին 36-րդը Նարեկացին է: Ինչո՞վ է առանձնանում Գրիգոր Նարեկացին, ո՞րն է նրա ֆենոմէնը, և ինչո՞ւ հենց Նարեկացին ընտրուեց:

-Նարեկացին նախ մեծ աստուածաբան, փիլիսոփայ է և հսկայ քայլեր է արել նաեւ աստուածաբանութեան մէջ:(մանրամասն)

Յօդուածներ

ԶՕՐԱՎԱՐ ԱՆԴՐԱՆԻԿԻ ԿՈՉԸ ԱՄԵՐԻԿԱՀԱՅ ԳԱՂՈՒԹԻՆ

yeranՍիրելի հայրենակիցներ, Այս պահուն, երբ գերութեան դարաւոր գիշերներէն յետոյ ազատութեան արշալոյսին շողերը կը սկսին նշմարուիլ մեր պաշտելի հայրենիքին վերեւ, եւ հայութիւնը կը պատրաստուի ողջունել Ամբողջական Հայաստանի անկախութիւնը, մեր ազգըՙ Կովկասէն մինչեւ Կիլիկիա, ամենուրեք կը գտնուի բնաջնջումի իրական եւ ահաւոր վտանգին առջեւ, եւ օգնութեան աղեխարշ կոչեր կը լսուին ամէն կողմէ:(մանրամասն)

ՅՈՒՇԵՐՈՒ ՇԱՐՔԷՆ ՄԵՆՔ ՀԱՅԵՐԸ ԿԸ ՍԻՐԵՆՔ...

Վարդան Թաշճեան

yeranԿիպրոսի Լիմասոլ քաղաքին մէջ, Rotarian-ներու շրջանային համագումարի մը առիթով սարքուած պարանցիկ երեկոյէն՝ տիկինս եւ ես փոխանակ Նիկոսիա վերադառնալու, քշեցինք շիտակ Լառնագա, դէպի մեր ամառնային տունը: Առտուան ժամը 2:00-ը անց էր: (մանրամասն)

Թուրքիոյ Դէմ Կիլիկիոյ Կաթողիկոսութեան Հայցի Հաւանական Հետեւանքները

yeranԱշխարհասփիւռ հայութիւնը ողջունեց Կիլիկիոյ կաթողիկոսութիւնը Թուրքիոյ Սահմանադրական դատարան Ապրիլ 27ին դատական հայց ներկայացնելուն համար՝ Սիսի իր պատմական նստավայրը վերադարձնելու պահանջով, որ այժմ կը գտնուի Թուրքիոյ Ատանա նահանգի Կոզան շրջանին մէջ: Կիլիկիոյ կաթողիկոսութեան նախկին աթոռանիստ կեդրոնը, որ հիմնադրուած է 1293 թուականին, բռնագրաւուած էր թրքական իշխանութեան կողմէ 1921 թուականին՝ Հայոց Ցեղասպանութեան տարիներուն:(մանրամասն)

ԵՐԱԽՏԱԳԻՏՈՒԹԵԱՆ ՍԵՒ ԳՈՅՆԸ

yeranՆստած եմ Երեւանի Ազգային գրադարանի ընթերցասրահին մէջ ու բացած եմ գիրք մը, որուն ընթերցումը յաճախ կ՛ընդհատեմ ու կ՛ընկղմիմ ջղալլկիչ ապրումներու գիրկը: Գիրքը կը կոչուի «Մեծ եղեռնի նահատակ հայ բժիշկները» , տպուած Պոսթոն 1957-ին, հեղինակն էՙ Տոքթ. Գ.Մ. Կարոյեան:(մանրամասն)

«Պապենական Տունը»։Կը Յիշեմ եւ կը Պահանջեմ

yeranՄեր ընտանիքի պատմութիւնը սիրած եմ, բայց նաեւ ժամանակ տրամադրած՝ փորձելով կառուցել այսպէս ըսած «ընտանեկան ծառը»։Եւ այս ոչ միայն անուններով, բայց նաեւ նկարներով։Եւ այս նկարները ինծի համար դարձած են հարստութիւն, ապա նաեւ աւանդ եւ Ժառանգ՝ապրելու իմ(ու ընտանիքիս)կեանքը նոյն տեսլականով…։ Բայց այս նկարները կը խօսին…։Անոնք պատմութիւն են, բայց նաեւ աւելին…։Նկարին մէջ իւրաքանչիւր հարազատ ապրած է իր կեանքը Պատմական Հայաստանի մէջ, կերտած է տուն եւ ընտանեկան բոյն, բերած է իր նպաստը հաւաքական ու ազգային կեանքին, բայց նաեւ «խմած» նահատակութեան դառն բաժակէն՝սպաննուելով եւ կամ անցնելով ցեղասպանութեան արհաւիրքէն՝հայ ժողովուրդի ամբողջութեան հետ։Իմ ընտանիքիս այդ արհաւիրքին մէջ պիտի ըլլար աւելի քան քսանհինգ նահատակ՝սկսելով 1909 թուականի Ատանայի ջարդերէն ու ողբերգութենէն, հասնելով մինչեւ 1915 ցեղասպանութիւնը...։ (մանրամասն)

Գրական-Մշակութային

ՓՈՒՆՋ ՄԸ ՉԱՓԱԾՈՅ ԵՐԿԵՐ՝

yeranԲԱՌԵՐԸ ՄԵՐ...

 

 

Ներշնչման պահուն արարչական,

Բառերը մեր ոսկեայ, Հայկազնեան

Կը թռչին, կու գան թոյլ գրչիս տակ,

Կը շատնան, կը դառնան ոգիի բանակ...

(մանրամասն)

ՀԱՄԵՐԳ` «ՄԹՆՇԱՂԷՆ ԴԷՊԻ ԱՐՇԱԼՈՅՍ»

yeran .Պէյրութի Հայ աւետարանական Առաջին եկեղեցւոյ մէջ երաժշտական համերգ էր. եկեղեցին մարդաշատ էր, իսկ բեմի վրայ էր հայրենի վաստակաւոր երգչուհի մեցօ սոփրանօ` Աննա Մայիլեանը, որ իր երաժշտական բարձր կատարումներով յաջողեցաւ լիբանանահայ ունկնդիրը տանիլ հայ երաժշտութեան անդաստան եւ հաղորդակից դարձնել բազմազան երաժշտական գործերու:(մանրամասն)

Շահէն Խաչատրեանի Բանախօսութիւնը՝ «Եղեռնի Արձագանգը Հայկական Կերպարուեստում» Թեմային Շուրջ

yeranՄայիս 16ին, Միացեալ Թագաւորութեան հայ համայնքային խորհրդի նախաձեռնութեամբ Լոնտոնի «Նաւասարդեան» սրահում տեղի ունեցաւ Հայոց Ցեղասպանութեան 100ամեակին նուիրուած ձեռնարկը, որի ընթացքում «Եղեռնի արձագանգը հայկական կերպարուեստում» նիւթի մասին բանախօսեց հայրենի ծանօթ արուեստաբան Շահէն Խաչատրեան։ Նախ խօսք առաւ 100ամեակի յանձնախմբի ատենապետ Րաֆֆի Սարգիսեանը եւ անդրադարձաւ Հայ Դատի իրաւական եւ քաղաքական մարզերի միջազգային ճանաչման հարցին, դրուատելով այդ գծով Ֆրանսիայի պետութիւնը, ինչպէս նաեւ Աւստրիայի եւ Լիւքսանպուրկի կառավարութիւնները, որոնք վերջերս ընդունեցին Ցեղասպանութեան ճանաչման բանաձեւեր։(մանրամասն)

ՀԱՅ ԻՐԱԿԱՆՈՒԹԵԱՆ ՄԻՋՆԱԴԱՐԵԱՆ ԲԱՆԿԻՐՆԵՐԸ` ՍԵՂԱՆԱՒՈՐՆԵՐԸ

yeran«Հայ սեղանաւորներ» վերնագրով սփիւռքահայ յայտնի ֆինանսագէտ, Լիբանանի Կենտրոնական բանկի նախկին փոխկառավարիչ Մկրտիչ Պուլտուքեանի գիրքն անդրադառնում Է մինչ օրս քիչ ուսումնասիրուած թեմայի` Օսմանեան կայսրութիւնում հայ յայտնի առեւտրականներին, չելեպիներին, ամիրաներին, նրանց գործունէութեանը, թուրքական պետութեան մէջ ունեցած դերին:(մանրամասն)

«ԼԱՐՔ» ԵՐԱԺՇՏԱԿԱՆ ԸՆԿԵՐԱԿՑՈՒԹԵԱՆ ՓԱՌԱՒՈՐ ՆՈՒԱՃՈՒՄԸՙ

yeranՍփիւռք-Հայրենիք սերտ գործակցութեան ուրիշ մէկ արտայայտութիւնը վերածուեցաւ մշակութային փառաւոր յաղթանակի: Տաղանդաւոր երաժշտագէտ եւ խմբավար Վաչէ Պարսումեան արդէն նուաճած է հմուտ եւ բծախնդիր երաժշտական ղեկավարի համբաւը երաժշտական իր բազմաթիւ իրագործումներովՙ Պէյրութէն մինչեւ Լոս Անճելըս: Ան արժանացած է մեր խոր հիացումին եւ ամբողջական յարգանքին...(մանրամասն)

Տեսակէտ

Արեւելքի Եւ Արեւմուտքի Քրիստոնեաները Դէմ Յանդիման

yeran«Արաբական գարուն»ը, որ արաբական աշխարհի մեծամասնութիւնը խանդավառեց եւ յուսադրեց, թէ՝ եկած է ժամանակը տապալելու բռնատիրական վարչակարգերը, գահընկէցնելու միապետական իշխանատէրերը եւ արմատախլելու տզրկական կեղեքողները, այսօր, ինչպէ՞ս կը տեսնէ այդ գործընթացին բաբելոնականութիւնը:(մանրամասն)

Ճանաչումներէ Եւ Զգացական Բաւարարութիւններէ Ետք

yeranԱնկասկա՛ծ, Հայկական հարցի հետապնդումը այսքան մեծ ծաւալ չէր ունեցած, ինչպէս այս տարի: Բազմաթիւ երկիրներ պաշտօնապէս յայտարարեցին, որ հայը իր բնիկ երկրին մէջ ենթարկուած էր ցեղասպանութեան եւ հայրենահանման: Ոմանք, որձեւէգ ճապկումներով, խուսափեցան ցեղասպանութիւն բառի գործածութենէն` խօսելով հանդերձ զանգուածային ջարդերու եւ տեղահանութիւններու մասին, կարծէք այդ զոյգը ինքնին ցեղասպանութիւն չըլլար:(մանրամասն)

Մե՜ղք Է Սրբութիւնը Սրբապղծել

yeran Նախագահ Սերժ Սարգսեանի եւ իր իշխանապետութեան տրամադրութեան տակ դրուեցան հայ ազգի ուժականութիւնը ներկայացնող ամէն տեսակի եւ մակարդակի գործ ու աշխատանք, որպէսզի յաջող դառնար հարիւրամեակի նշումը Հայկական Ցեղասպանութեան։ Շատեր նոյնիսկ արդար գտան հայրենի իշխանութիւններուն կողմէ կիրարկուած բանտարկութեան եւ ծեծի միջոցները աքթիւիսթներու դէմ, որոնք կը փորձէին խաղաղ միջոցներով լսելի դարձնել ժողովուրդին տնտեսական ցաւը փտածութեան (corruption), անգործութեան եւ կաշառակերութեան դէմ։(մանրամասն)

ՈՒԽՏԻ ՀԱՐԻՒՐԱՄԵԱԿ, ՅԵՏՈՅ ԻՆ՞Չ

yeran Հաւանաբար մեզմէ շատեր առարկեն որ ներկայիս Թուրք պետութեան քաղաքական դիրքը ամուր կռուաններու վրայ է, եւ հետեւաբար մեր դատի բարւոք լուծման համար նպաստաւոր պայմաններ չկան քաղաքական հարթակին վրայ: Այդպիսիներուն մենք ա՛յո պիտի ըսենք, նկատի ունենալով ներկայ քաղաքական պայմանները եւ Թուրքիոյ աշխարհաքաղաքական դիրքը որուն կարիքը ունին Եւրոպական պետութիւնները, ելլելով իրենց քաղաքական շահերէն: Անկասկած որ ներկայ պայմաններու տակ չենք կրնար առաջնորդուիլ մակերեսային լաւատեսութեամբ եւ ակնկալել վարդագոյն արշալոյսներ մեր ժողովուրդին համար, հետեւաբար անհրաժեշտ է ըլլալ իրապաշտ եւ չառաջնորդուիլ զգացումներով, ինչ որ յատուկ է մեր ժողովուրդին: Չմոռնանք երբեք որ այսօրուան քաղաքական իրականութիւնը չի' կրնար այսպէս շարունակել եւ անփոփոխ մնալ, նկատի ունենալով հիւլէական դարաշրջանի նոր իրողութիւններն ու փոփոխութիւնները: Եթէ այսօր թուրքական ռազմակայանները անհրաժեշտ են ամերիկեան կառավարութեան քաղաքական, ռազմավարական ծրագիրներու իրագործման համար, վաղը անոնք կրնան փոխուիլ նոր պայմաններու բերումով: Հետեւաբար՝ անհարկի յոռետեսութեամբ անշարժութեան չմատնուինք եւ մեր բախտը չանիծենք: Շա՛տ հետաքրքրական է նաեւ հոգեբանական այն երեւոյթը կամ իրողութիւնը որ լայնատարած թուրք հասարակութիւնը,(մանրամասն)

Անցուդարձ

Թուրքիոյ Խորհրդարանական ընտրութիւններուն արդիւնքով՝ Ազգային Ժողով Մուտք Կը Գործեն Երեք Հայեր

yeranՅունիս 7ին, Թուրքիոյ մէջ տեղի ունեցան խորհրդարանական այլապէս կարեւոր ընտրութիւններ: Այլապէս կարեւոր, որովհետեւ իշխանութեան գլուխը գտնուող Արդարդութիւն եւ Բարգաւաճում կուսակցութիւնը՝ AKP հետամուտ էր Խորհրդարանին մէջ բացարձակ մեծամասնութիւն ապահովելու, առանց որեւէ խոչընդոտի փոփոխութեան են-թարկել կարենալու համար երկրին Սահմանադրութիւնը եւ այդպէսով ալ բացարձակ լիազօրութիւններ ապահովելու նախագահ էրտողանին:(մանրամասն)

Թուրքիոյ Սահմանադրական Դատարանին` Մեծի Տանն Կիլիկիոյ Կաթողիկոսութեան Դիմումը Մեծ Իրարանցում Կը Յառաջացնէ

yeranԿիլիկիոյ Սիս քաղաքին մէջ իր կեդրոնակայանը վերադարձնելու պահանջով Թուրքիոյ Սահմանադրական դատարանին ներկայացուած Մեծի Տանն Կիլիկիոյ կաթողիկոսութեան դիմումը մեծ իրարանցում կը յառաջացնէ Թուրքիոյ մէջ: Այս մասին կը հաղորդէ Թուրքիոյ մէջ «Ամերիկայի Ձայն»-ի թղթակից Տորիան Ճոնս:(մանրամասն)

«Սփիւռքահայերը որպէս թշնամի կը ներկայացուին», ըսած է Թուրքիոյ խորհրդարանի հայ երեսփոխանուհին

yeranԹուրքիոյ կառավարութեան գլխաւոր ընդդիմադիր Հանրապետական ժողովրդային կուսակցութեան Խորհրդարանի նորընտիր հայ անդամ Սելինա Տողան պաշտօնապէս ստացած է երեսփոխանական լիազօրութիւնը, որմէ ետք տուած մամլոյ ասուլիսին ընթացքին ան փափաք յայտնած է մօտ ապագային տեսնելու ոչ միայն հայ երեսփոխաններ, այլ նաեւ ասորի դատաւոր, հրեայ գնդապետ ու փոքրամասնութեան անդամ այլ ներկայացուցիչներ, տարբեր ոլորտներու պատասխանատու պաշտօններու վրայ: Ըստ Ermenihaber.am-ի՝ թրքական «Թարաֆ» թերթը կը տեղեկացնէ, որ Տողան խօսած է նաեւ Հայոց Ցեղասպանութեան մասին: Հայ երեսփոխանուհին ըսած է, որ պէտք է հրաժարիլ մինչեւ օրս ցուցաբերուող ծայրայեղական վերաբերումէն եւ համերաշխութեան միջավայր ստեղծել:(մանրամասն)

Աշոտ Հայրունի. «Թուրքիոյ Ճնշումով Պունտեսթակի Բանաձեւէն Հանուեցաւ «Ցեղասպանութիւն» Եզրը»

yeran«Թուրքիա Գերմանիոյ արտաքին գործոց նախարարութեան միջոցով Գերմանիոյ խորհրդարանին (Պունտեսթակի) վրայ բանեցուց ճնշում, որուն իբրեւ արդիւնք Հայոց ցեղասպանութեան վերաբերեալ խոստացուած բանաձեւէն հանուեցաւ «Ցեղասպանութիւն» եզրը», ըսաւ գերմանագէտ փրոֆ. Աշոտ Հայրունի` «Երկիր Մետիա» կայքին տուած հարցազրոյցին մէջ: Ըստ անոր, բանաձեւի նախագիծին մէջ հայերուն համար կան ողջունելի եւ ընդունելի,(մանրամասն)

Ռիկայի Վեհաժողովի Շրջագիծին մէջ Մերքէլ եւ Սարգսեան Քննարկած՝ Հայաստան-ԵՄ Յարաբերութիւնները

yeranՄայիս 21-22ին, Լատվիոյ մայրաքաղաք Ռիկայի մէջ տեղի կ՚ունենար Եւրոպական Միութեան «Արեւելեան գործընկերութիւն» ծրագրի անդամ երկիրներու վեհաժողովը: Այդ ծրագիրը կը նախատեսէ քաղաքական ընկերակցութիւն եւ տնտեսական համարկում՝ Եւրոպական Միութեան եւ Հայաստանի,(մանրամասն)

"Եթէ Պաքու Յարձակի, Ռազմական Գործողութիւններ Կը Կատարուին Ազրպէյճանէն Ներս"

yeranՊաշտպանութեան նախարար Սէյրան Օհանեան զգուշացուցած է Պաքուն, ըսելով, որ նախայարձակումի պարագային, Հայաստան որպէս երաշխաւորը Արցախի ապահովութեան, պիտի ընէ իր ամբողջ կարելին զայն պաշտպանելու համար: (մանրամասն)

ԱԿՆԹԱՐԹՆԵՐ

yeranԵղի՛ր ա՛յն ինչ որ ես իրօ՛ք, առանց կեղծիքի, առանց ձեւականութեան, առանց կապկումի....Հոգիդ թող փայլատակէ իր ուրոյն լոյսով, ինչո՞ւ փոխ առնել ուրիշինը եւ զայն կարկտել քու վրադ....Ուրիշէն փոխ առնուածը միշտ ալ խորթ կը թուի աչքին եւ կարկտանը կ'երեւի, որքան ալ նրբութեամբ թաքցնես զայն....Ամէն մարդ իր ուրոյն, ինքնատիպ գեղեցկութեամբ է հմայիչ....

…………………

Դժուար է մինչեւ վերջ հասկնալ մարդ արարածը, անոր թաքնաթաքուր զգացումերը, թափանցել անոր ենթագիտակից խորունկ աշխարհի ծալ-ծալ շերտերը....Մարդը նոյնիսկ ինքն իրեն կը մնայ դեռ քիչ մը անծանօթ, անոր համար ալ համակ կեանք մը չի բաւեր թերեւս զայն ամբողջութեամբ հասկնալու համար....բաց գիրքի նման կարդալ զայն, եւ գուցէ ա՛յդ է որ անչա՛փ հետաքրքրական կ'ընծայէ մարդ էակը, անչա՛փ խորհրդաւոր, զոր պիտի փորձենք սերտել, ըմբռնել, հասկնալ....համակ կեանք մը....

…………………

Գերագոյն ազատութիւնը մտքի եւ հոգիի ազատութիւնն է....Եթէ միտքդ սորված է ազատ մտածել, իրեն հրամցուած կաղապարներէն ձերբազատ, եթէ սորված է կրաւորական ընկալումներէն դուրս ելլել եւ իւրովի մտածել, յայնժամ կրնայ ան ազատութեան յոյսը փայփայել...: Եթէ հոգին չէ բանտարկուած մարմնի ցանկութիւններով եւ կոյր կիրքերով, եթէ ստրկացած չէ ան՝ «հիմա եւ այստեղ»ի սահմանափակութեամբ, յայնժամ ան կրնայ ճախրել ազատօրէն ժամանակի եւ տարածքի անհունութեան մէջ, խորապրիլ տիեզերական շունչը, լայննա՛լ, ընդարձակուի՛լ....եւ դառնալ ԱԶԱՏ....

…………………

Եսակեդրոն մարդը չի կրնար երջանիկ զգալ....Զարմանալիօրէն եւ ճշմարտազանցօրէն թերեւս, որքան շատ մեր ես-ին վրայ կեդրոնանանք, մեր ես-ով միայն ապրինք, այնքա՛ն աւելի կը կծկուինք, կ'աղքատանանք, նոյնիսկ կը կորսնցնենք մեր բուն ես-ը, մեր հարազատ հոգին....Միայն ինքզինք տալով, միայն ինքնամոռաց նուիրուելով մարդ կը գտնէ իր հարազատ հոգին....եւ՝ երջանկութիւնը....

…………………

Եսամոլական այս դարուն, երբ ամէն մարդ առաջնահերթաբար կը մտածէ սոսկ սեփական անձին մասին, սեփական իրաւունքներուն, սեփական բարօրութեան մասին, որքա՛ն բան պիտի փոխուէր հասարակական մեր կեանքին մէջ, եթէ մեզմէ իւրաքանչիւրը կարենար մտածել նաեւ հանրօգուտ հարցերուն մասին, յանձնառութիւն ստանձնէր անոնց լուծման ի խնդիր, իր լուման ներդնէր յանուն հանրութեան բարօրութեան....Վերջապէս, մարդ էակը՝ եթէ չէ կորսնցուցած ի սպառ իր խիղճն ու զգացումները, կրնա՞յ երբեւէ լիասիրտ ուրախանալ, եթէ իր շրջապատը թշուառութեան մէջ է....

…………………

Թանկ իրերով զարդարուիլը՝ ոմանց համար, հոգիի եւ մտքի սնանկութիւնը ծածկելու շպար է....որոնցմով կրնան յոխորտալ, գոռոզանալ, գովաբանել իրենց ունեցուածքի առանձնայատկութիւնը...եւ այնպէս ձեւացնել որ անոնք գերագոյն արժէքներ են, որ անոնք կեանքի նպատակ են, առանց որոնց շատ բան կը նուազէր կեանքի արժէքէն....Խեղճ Ողորմելիներ, շուտով յայտնի կը դառնայ որ ո՛չ ոսկիի փայլը, ո՛չ թանկարժէք տունն ու մեքենան կրնան ծածկել հոգիի եւ մտքի բոպիկութիւնը, որ կ'երեւի իր ամբողջ մերկութեամբ, նողկանք պատճառելու չափ....Կեանքի ճշմարիտ արժէքները դրամով վաճառելի չեն...

…………………

Ինքնամոռաց աշխատանքը լաւագոյն դարմանն է թախծոտ սրտին....Ան կը լուսաւորէ մթագնած, տխրամած տրամադրութիւնը, կը լեցնէ հոգին աշխատանքի կորովով, կը վերանորոգէ զայն նոր աւիշով եւ բերկրանք կու տայ սրտին....Աշխատանքը կեանքի իմաստն իսկ է, անոր նպատակ եւ բովանդակութիիւն տուողը... (մանրամասն)

Այլազան

Ստեփանակերտի Մէջ Բացուեցաւ «Եղեռն` Եղեռնից Յետոյ» Խորագիրով Շրջիկ Ցուցահանդէս

yeranՅունիս 8-ին, Ստեփանակերտի մշակոյթի եւ երիտասարդութեան պալատին մէջ` Արցախի պետական պատմաերկրագիտական թանգարանի աջակցութեամբ տեղի ունեցած է Հայկական ճարտարապետութիւնը ուսումնասիրող (Հճու) կազմակերպութեան նախագահ Սամուէլ Կարապետեանի «Եղեռն` եղեռնից յետոյ» խորագիրով շրջիկ ցուցահանդէսի բացումը:(մանրամասն)

Ամերիկահայ Գրող Յովսէփ Նալպանտեանի Գիրքերու Շնորհահանդէս

yeranՄայիս 14ին Հայաստանի ազգային գրադարանին մէջ տեղի ունեցաւ ամերիկահայ գրող, մատենագիր Յովսէփ Նալպանտեանի երկու գիրքերու՝ «Կեանքի Շարունակուող Շաւիղներ» եւ «Հայ Գիրքը Ամերիկայի Մէջ» (1857-2015 թթ.) մատենագիտական աշխատութեան շնորհահանդէսը, զոր հեղինակը նուիրած է Հայոց Ցեղասպանութեան 100ամեակին:(մանրամասն)

Աջակցութիւն Հայաստան-Թուրքիա Կարգաւորման Գործընթացին» Ծրագրի Շրջանակին Մէջ Թրքերէնով Թատերական Ներկայացում Երեւանի Մէջ

yeranՅունիս 2ին, Երեւանի «Փոքր թատրոն»ին մէջ, Պոլսոյ Պողազիչի համալսարանի Կիներու ուսումնասիրութեան ակումբին եւ Պողազիչիի կատարողական արուեստներու համոյթին կող-մէ երկու անգամ (ժամը 13ին եւ 20ին) ներկայացուած է «Զապէլ» թրքերէն գործը (հայերէն են-թագրերով), որ Զապէլ Եսայեանի «Աւերակներուն մէջ» եւ «Սիլիհտարի պարտէզները» ստեղ-ծագործութիւններուն մէջ տեղ գտած յուշերուն վրայ հիմնուած բեմադրութիւն մըն է:(մանրամասն)

Ըստ «Hürriyet»ի, Հայկական Հարցին Գծով Թուրքիան Զայրացած է Յատկապէս Վատիկանէն եւ Գերմանիայէն

yeranԱյս խորագրով թուրք դէտ Պարչին Եինանչ յօդուած մը ստորագրած է «Հիւրրիյէթ» օրաթերթին մէջ։ «Արդէն ամիս մը անցած է Ապրիլ 24էն, այն թուականէն որ նշեց 1915ի Հայերու ողբերգու-թեան 100ամեակը։ Այլեւս Թուրքիոյ մէջ ոչ ոք կը խօսի այդ մասին։ Բնականաբար ան հիմա լու-րերու միջազգային օրակարգին մաս չի կազմեր։ Սակայն վստահ եմ որ Երեւան եւ Անգարա ընդհանուր առմամբ կը շարունակեն գնահատականներ տալ այս կարեւոր շրջադարձային կէ-տին շուրջ», կը գրէ լրագրողուհին, որուն համաձայն Թուրքիա տակաւին զայրացած է յատկա-պէս միջազգային երկու դերակատարներէ՝ «անոնցմէ մէկը Գերմանիան է եւ միւսը՝ Վատիկա-նը։ Փրանկիսկոս Պապին յղումը հայկական ողբերգութեան՝ որպէս "20րդ դարու առաջին ցե-ղասպանութիւն", Թուրքիոյ համար հարուած մըն էր, որովհետեւ Սուրբ Աթոռի դիւանագիտա-կան ներկայացուցիչները մինչեւ վերջին վայրկեանը վստահեցուցած էին, թէ Պապը պիտի խուսափի Ցեղասպանութիւն բառէն»։(մանրամասն)

Իրան-Հայաստան Կազատարի Հատուածը Կը Վաճառուի «Կազփրոմ Արմէնիա»ին

yeran Իրան-Հայաստան կազատարի Մեղրի-Քաջարան հատուածը կը վաճառուի ռուսական «Կազփրոմ Արմէնիա» ընկերութեան: Այս մասին յայտարարած է Ուժանիւթի եւ բնական պաշարներու նախարարի տեղակալ Արա Սիմոնեան:(մանրամասն)

Մշոյ Սուրբ Կարապետ Վանքի Վերականգնման Համար Դիմում Ներկայացուած Է Կառավարութեան

yeranՄշոյ Եուքարըեոնկալ գիւղին մէջ գտնուող Սուրբ Կարապետ հայկական վանքի տարածքը այնտեղ գտնուող տուներէն ազատելու եւ վանքի վերանորոգման աշխատանքները իրականացնելու համար Թուրքիոյ մշակոյթի եւ զբօսաշրջութեան, ինչպէս նաեւ ներքին գործոց նախարարութիւններուն դիմում ներկայացուած է:(մանրամասն)