Ազատ Խօսք

Ելեկտրոնային Անկախ Պարբերաթերթ

Խմբագիր - Երան Գույումճեան

Թիւ (61) Սեպտեմբեր 2016

  • Եթէ փտածութիւնը դառնայ բնական երեւոյթ, ժողովրդային ընդվզումը ծաւալի եւ արտագաղթը շարունակուի նոյն թափով...
  • Կարէն Կարապետեան նշանակուեցաւ ՀՀ նոր վարչապետ
  • Փութին Էրտողանին 7 Պայման Առաջադրած Է, Մէկը՝ Արցախին Առնչուող
  • Ռուսիա Եւ Ատրպէյճան Զգալիօրէն Պիտի Ընդարձակեն Ռազմավարական Գործակցութիւնը
  • «ՄՈՍԿՈՒԱՆ ԿԸ ՑԱՆԿԱՅ, ՈՐ ՊԱՔՈՒՆ ՈՒ ԵՐԵՒԱՆԸ ԼՂ ՏԱԳՆԱՊԻ ՓՈԽԶԻՋՈՒՄԱՅԻՆ ԵՒ ԵՐԿՈՒՍՏԵՔ ԸՆԴՈՒՆԵԼԻ ԼՈՒԾՈՒՄ ԳՏՆԵՆ»
  • Պիշքեքի մէջ, նախագահ Սարգսեան խօսած է փոխադարձ զիջումներու մասին
Adv1Adv1Adv1

Կիպրահայ

ՄԵԼԳՈՆԵԱՆ ԿՐԹԱԿԱՆ ՀԱՍՏԱՏՈՒԹԵԱՆ 90-ԱՄԵԱԿ

Կարօտ, յոյսեր եւ ակնկալութիւններ

yeranՅուլիսի 14-21-ը շուրջ երկու հարիւր Մելգոնեանցիներու յիշողութեան մէջ ցկեանս պիտի դրոշմուի որպէս գիրկընդխառնումներու, յուզումնալից օրերու եւ տօնախմբութեանց աննախընթաց համադրութիւն մը։ Մելգոնեանցին իր հասակակիցին, իրմէ տարեցին ու կրտսերին կը հանդիպի բոլորովին այլ զգացումով, որովհետեւ այս հաստատութեանը սաները միացնողը, հոգեհարազատ դարձնողը մելգոնեանական ոգին է, նոյն փորձառութիւններն են, շէնքերն են, սովորութիւններն ու աւանդութիւնները, սէրերն ու սրտակցութիւնները։ Եւ ասիկա 1926-էն ի վեր։(մանրամասն)

ՎԱՐԴԱՆ ԹԱՇՃԵԱՆԻ

ՍՐՏԻ ԽՕՍՔԸ

yeran«Եթէ կ'ուզես որ մարդիկ քեզ լսեն, այն ատեն գլուխէդ խօսէ, իսկ եթէ կ'ուզես որ մարդիկ քեզ զգա՛ն, այն ատեն սրտէդ խօսէ»: Եւ իբրեւ նախկին Մելգոնեանցի, իբրեւ Մելգոնեանի նախկին ուսուցիչ, եւ այս կախարդական մթնոլորտին մէջ, կրնաք վստահ ըլլալ թէ ուրկէ պիտի գայ իմ խօսքս, ինծի տրամադրուած գալիք տասը-տասներկու վայրկեաններու ընթացքին: Ամէն բանէ առաջ արտօնեցէք որ Ձեր բոլորին կողմէ ջերմօրէն շնորհաւորեմ երազային այս համախմբումը մտայղացող եւ ապա առարկայացնող Յանձնախումբը, օգնականները Լոս Անճէլըսի եւ հոս՝ Կիպրոսի մէջ, այլ մանաւանդ, ի մասնաւորի Տիկ. Արսինէ Շիրվանեանը, անխո՛նջ Արսինէն, խոշոր պրաւօ՛ մը տամ իրենց եւ բարի երթ ու շարունակութիւն մաղթեմ իրենց ծրագրի մնացեալ բաժնին համար: Ապա, սրտագինս կ'ողջունեմ աշխարհացրիւ Մելգոնեանցիներու այս խումբը՝ նախկին պաշտօնակիցներ, դասընկերներ, աշակերտներ, որոնք դրապէս ընդառաջելով կազմակերպիչներու կոչին, ահա երախտագիտութեամբ, ցնծութեամբ, ոգեւորութեամբ եւ յուզումով, ամենաերէց սերունդներէն մինչեւ վերջին աւարտականները,...(մանրամասն)

Խմբագրական

ՆՈՐԸ ԿԵՐՏԵԼՈՒ ՀՐԱՄԱՅԱԿԱՆԻՆ ԱՌՋԵՒ

yeranՔառորդ դար առաջ վերանկախացաւ մեր երկիրը՝ Խորհրդային կարգերու փլուզումով, այլեւ Արցախեան ազգային-ազատագրական համաժողովրդական հզօր շարժումի մակընթացութեան վրայ, 1988-ի համազգային ոգիի հրեղէն ժայթքումի ալիքներուն վրայ... Քառորդ դարը վստահաբար ակնթարթ մըն է լոկ պատմութեան բազմահազարամեայ ընթացքին մէջ, բայց հանգրուան մըն է, որոշապէս, արժեւորելու մեր ուղին՝ քննական անաչառ հայեացքով, հարցադրելու ի՞նչը, ինչո՞ւն, ինքնաճանաչման փորձով, որ միշտ ալ գրաւականն է անհատի թէ ազգի անխափան երթին....

Դարերով երազուած անկախութիւնը շուտով բովանդակազրկուեցաւ ու արժեզրկուեցաւ՝ դեմոկրատիայի վերածումովը ամենաթողութեան, անիշխանութեան, սանձարձակութեան տխուր երեւոյթներուն...երբ ՀՀ իշխանաւորներ եւ անոնց հետ սերտօրէն համագործակցող օլիգարխիայի ներկայացուցիչներ լծուեցան երկրի հումքային եւ այլ պաշարները չարաշահելու եւ թալանելու, մեր երկիրն ու ժողովուրդը կեղեքելու տխուր եւ կործանարար աշխատանքին, կամայական եւ քմահաճ գործելակերպի դրսեւորման՝ հաւաքական կեանքի բոլոր ոլորտներէն ներս: Շուտով մեր փոքրիկ հանրապետութիւնը կանգնեցաւ երկրի անապատացման, ընկերային սուր բեւեռացման, դատա-իրաւական անկախ համակարգի չգոյութեան, բարոյահոգեբանական սուր ճգնաժամի եւ երկրի հայաթափման օրէ օր աճող ծաւալի տխուր իրականութեանց դէմ յանդիման: Այստեղ տեղին է նշել որ մեր երկրէն թալանուած եւ արտասահման հանուած սեփականացուած գումարները, միայն վերջին տասը տարիներու ընթացքին կազմեր են, ըստ Global Financial Integrity-ի պաշտօնական տուեալներուն, տասը միլիարտ տոլար, իսկ անպաշտօն տուեալներով՝ գուցէ անոր կրկնապատիկը: (մանրամասն)

Հարցազրոյց

Սամուէլ Բաբայեան. «Հայկական կողմը Ղարաբաղի հարցում դարձել է «այո» ասող օբյեկտ»

yeran–Պարո՛ն Բաբայեան, կարո՞ղ ենք ասել, որ Ղարաբաղի խնդրի շուրջ բանակցութիւնները մտնում են եզրափակիչ փուլ: Հայկական կողմից հնչում է տեսակէտ, որ պատրաստ ենք փոխզիջումների (օգտագործւում է նաև «զիջում» ձեւակերպումը), բայց մինչև վերջ յստակութիւն չկայ, թէ ինչ փոխզիջումների մասին է խօսքը։ Կը խնդրէինք՝ Ձեր գնահատականը տայիք։


–Ես ադրբեջանական կողմի փոխզիջումը չեմ տեսնում։ Յամենայնդէպս, այդպիսի յայտարարութիւն չկայ ոչ Ալիեւի, ոչ էլ ադրբեջանցի այլ պաշտօնեայի կողմից։ Փոխարէնը՝ մեր կողմից իրար հերթ չեն տալիս և զիջումներից են խօսում: Երեւի մտածում են, որ դրսում լաւ աչքով կը նայեն իրենց։(մանրամասն)

Մեր զրուցակիցն է ազգագրագէտ Հրանուշ Խառատեանը

yeranՏիկին Խառատեան, ինչպէ՞ս էք գնահատում Սասնայ ծռերի՝ զէնքերը վայր դնելու և յանձնուելու քայլը։ Ի վերջոյ, այս ամէնը ի՞նչ արդիւնք կ'ունենայ։

Զէնքը վայր դնելու քայլը միանգամայն բնական և տրամաբանական էր: Կարծում եմ՝ հիմա արդէն պարզ է, որ ապստամբութիւնը ծրագրուած էր մեր հասարակութեան դժգոհ զանգուածին ոտքի կագնեցնելու և իրենց ոտնահարուած իրաւունքները պաշտպանելու նպատակով, ինչի միջոցով հնարաւոր կը լինէր հասնել իշխանափոխութեան: Այդ իրաւունքների շարքում շատ կարեւոր էին Արցախի խնդրի կարգաւորման շուրջ ժողովրդի թիկունքում կատարուող քննարկումները, եթէ դրանք բանակցութիւններ չանուանենք: Հասկանալի է, որ այսօր սահմանին կանգնած բանակը պաշտպանում է մեր ընդհանուր հայրենիքը՝ Հայաստանը Արցախի հետ միասին: Այդ բանակը համոզուած է, որ պաշտպանում է հայրենիքի սահմանները, բայց համոզուած չի, (մանրամասն)

Յօդուածներ

«Հայրենադարձութեան Պահանջ Մը...»

yeranԿիպրոսի Մելգոնեան Կրթական Հաստատութենէն եւ Երեւանի Պետական Համալսարանի բանասիրութեան ճիւղէն ընթացաւարտ Յովսէփ Արթինեանը կրնա՞ր նման դժուարին աշխատանքի չնուիրուիլ, զայն կեանքի չկոչել որպէս հեղինակային հրատարակութիւն եւ հատորը չնուիրել «Գէորգ Աճէմեանի եւ Սարհատ Սարհատեանի յիշատակին, որոնք այս գիրքին նիւթին մասին շատ բան գիտէին, բայց իրենց հետ տարին»:(մանրամասն)

Երեւան եւ … Պէյրութ.

yeranՅուլիս 17-էն սկսեալ` երեւանեան վերջին անցուդարձի ֆոնին վրայ, մեր հայրենաբնակ կարգ մը ազգակիցներէն քանիցս լսեցինք թէ «Պէյրութ մի՛ սարքէք մեր երկիրը»։ Երկուշաբթի օր, Պէյրութի կողքին յայտնուեցաւ նաեւ Հալէպը` իբրեւ մէկը այն երկու օրինակներէն, որոնցմէ պէտք է խուսափին Հայաստանի քաղաքացիները։(մանրամասն)

«Բարոյական Յեղափոխութի՞ւն»

yeran«Եօթանասուն եւ մէկ տարիներ առաջ երկինքէն տեղաց մահը, եւ աշխարհ փոխուեցաւ»: Միացեալ Նահանգներու նախագահ Պարաք Օպամայի մէկ ակնարկը` Ճափոնի մէջ Հիրոշիմա քաղաքի յուշակոթողին առջեւ, մայիս 2016-ին: Հոն, երբ 1945-ին հիւլէական ռումբի արձակումը պատճառեց հազարաւոր զոհեր ու քանդեց քաղաքը:(մանրամասն)

Հայ Դպրոցի Առաջնահերթ Դերի Մասին Բաւարար Չափով Չենք Խօսիր եւ Անոր Տէր Չենք Ըլլար

yeranԵրբեք բաւարար չափով չենք խօսիր հայ դպրոցի էական կարեւորութեան մասին, նոյնիսկ եթէ ջոջական եւ քաղքենի ականջներու համար այդ ձանձրացուցիչ կը համարուի, անոնք ըլլան միութիւններ, ազգային աւազանէ հեռացած «ականաւոր» մտաւորականներ, քաղաքականութիւն խաղցողներ եւ կարգախօս կրկնողներ, բազմանուն միութիւններ, բարեսէր հայասէրներ:(մանրամասն)

Ահաւոր Գիշերը

«Ի՞նչ Կը Մտածէ Միւս Թուրքը» Շարքէն

yeranԻնչպիսի երկրի մը մէջ ծնած ենք որ դեռ կեանքը նոր հասկնալու սկսած՝ զինուորական յեղաշրջում տեսանք,ապրելու մեր արկածախնդրութեան աւարտին մօտեցած՝ դարձեալ մեր դէմը զինուորական յեղաշրջում:
Մեզի հրամցուածը՝ անիծեալ ծառի մը թունաւոր պտուղներն են միշտ:Այնքան ատեն որ այս ծառին հողը եւ օդը չփոխուին, ըստ երեւոյթին թունաւոր այս պտուղները աւելի պիտի մեծնան եւ թոյնին ուժգնութիւնը զօրանայ:(մանրամասն)

Գրական-Մշակութային

ՓՈՒՆՋ ՄԸ ՔԵՐԹՈՒԱԾՆԵՐ՝

ԵՐԱՆ ԳՈՒՅՈՒՄՃԵԱՆԷՆ

yeran

 

 

 

Արցախեան աշխարհ
Դուն արծուեբոյն ես, քաջերու օրրան
Հողդ շաղախուած արեամբն հերոսաց
Քրտինքովը սուրբ մեր վսեմ նախնեաց
Աճիւնովն անոնց՝ մասունք սրբազան...
Արցախեան աշխարհ
Բիւր խաչքարեր ունիս դուն գրկած
Ուր մեղեդին կայ ոգեղինացած
Հայատրոփ սրտին
Հայուն երազին
Իր վառ տեսիլքին
Ալեխռով յոյզին...(մանրամասն)

ԱԿՆԱԲՈՅԺ ԳԻՐԸ

ԼՈՒՍԻՆԷ ԱՒԵՏԻՍԵԱՆ

yeranՇատերն են Հայոց գրերի մէջ սրբազան գաղտնիք որոնում։ Եւ դա պատահական չէ։ Նաեւ աւելորդ չեն որոնումները, եթէ նոյնիսկ շատ «գիւտեր» անհիմն են ու գիտականութիւնից զուրկ։ Թող վարկածները բազում լինեն, լուրջ ուսումնասիրութիւնների ենթակայ հիպոթեզները՝ սակաւ, եւ ոչ մի անհիմն վարկած, եթէ ազգային սնապարծութեան դրսեւորում չէ, չի կարող նսեմացնել ու արժեզրկել ճշմարտութիւնները, որոնք թաքնուած-գաղտնագրուած են Հայոց գրային համակարգում... Նոյնիսկ հերքուելուց յետոյ շատ վարկածներ կը մնան որպէս առասպելոտ գրաւիչ յօրինուածք, կամ որպէս ակնյայտ հաւաստումը սոսկ տարերայնօրէն ըմբռնուող թաքնուած այն առեղծուածի, որ հանգիստ չի տուել մարդկային մտքին...(մանրամասն)

ԱՆՑԵԱԼԻ ՍՏՈՒԵՐՆԵՐ

yeranԱրեւի վերջին շողերը իրենց տեղը զիջում էին մռայլ գիշերին , և քանի գնում ստուերները թանձրանում, տարրալուծւում ու միախառնւում էին անցորդներին, որ ուրուականի նման թափառում էին ամայի, բայց միեւնոյն ժամանակ աշխարհից վերացած մարդկանցով լի փողոցներում: Անտարբերութիւնը կլանել էր բոլորին: Ոչ ոք չէր նկատում կողքինին, դիմացինին և պատրաստ էր անցնել նոյնիսկ կրակի միջով. յանուն ինչի՞. ոչ մէկին յայտնի չէր:(մանրամասն)

ԳՐԱԿԱՆ ԴԵԳԵՐՈՒՄՆԵՐ ՀԱԼԷՊԻ ԿՐԱԿՆԵՐԻ ԸՆԴՄԷՋԷՆ

yeranՀալէպի «Ոսկետառ» տպարանից «Այգ» մատենաշարով լոյս տեսաւ Լեւոն Շառոյեանի «Դեգերումներ հայ գիրի եւ պատմութեան գետեզրին» աշխատութիւնը, որը զոյգ նախաբաններով լաւագոյնս արժեւորել են Բերիոյ թեմի առաջնորդ Շահան արք. Սարգիսեանը եւ Պոլսոյ «Մարմարա»ի խմբագրապետ Ռոպէր Հատտէճեանը:(մանրամասն)

Տեսակէտ

Այսօրուան Անցումային Վճռորոշ Օրերը Եւ Մենք...

yeran«...եթէ Քիւրտերն ու Հայերը գիտնան խելամտօրէն գործակցիլ...» «Քիւրտերը արդէն իսկ մեզմէ աւելի արթուն, կազմակերպուած եւ հաւանաբար ինքնավստահ ըլլալով՝ նկատառելի ճամբայ մը կտրած են այս ուղղութեամբ… մինչ մենք կը շարունակենք քնանալ…։» (մանրամասն)

ՅԱՂԹԵՑԻ՞ՆՔ, ԹԷ՞ ՊԱՐՏՈՒԵՑԱՆՔ

yeranԱզգովին յաղթեցինք, որովհետեւ անհաւատալի կործանարար արհաւիրքէ մը ազատեցանք եւ հայու արիւնը անգամ մը եւս ի զուր չթափուեցաւ: Տակաւին չենք կրցած հեռացնել մեր մտապատկերէն մղձաւանջային այն տառապանքները զորս ապրեցանք Լիբանանի քաղաքացիական առաջին պատերազմի եղբայրասպան կռիւներուն ատեն, երբ զոհ գացին անմեղ երիտասարդներ հայու «վրիժառու» գնդակներով:(մանրամասն)

Մինչ Ցուցարարները Նոր Կառավարութիւն Կը Պահանջեն, Ռուսիա Եւ Թուրքիա Կը Մեկուսացնեն Հայաստանը

yeranԱյս յօդուածով փորձ կը կատարուի բացատրելու պատճառները Ռուսիոյ եւ Թուրքիոյ միջեւ յարաբերութիւններու յանկարծակի վերականգնման, որ նաեւ ջերմօրէն ընդունուեցաւ Ատրպէյճանի եւ որոշ չափով Իրանի կողմէ՝ մինչ Երեւանի մէջ մեծ առճակատում տեղի կ՛ունենար զինուած ընդդիմադիր խումբի եւ ոստիկանութեան միջեւ:(մանրամասն)

100 + 1, Արցախ, Սփիւռք

yeran Հայոց Ցեղասպանութեան 100ամեակը անցնելէ ետք, ակնկալելի էր, որ Հարիւրամեակի խայտաբղէտ մարմինները, ընդ հովանեաւ գերագոյն Կեդրոնական վարչութեան, ուր համախմբուած էին Հայաստանի, Արցախի թէ Սփիւռքի պետական, ազգային, քաղաքական, եկեղեցական ու միութենական ներկայացուցիչները, ԼՈՒՐՋ հանրագումարի բերէին իրենց իրագործումները (եւ նաեւ՝ կաղացումները), առաւել՝ նուազագոյնը, պատրաստէին դէպի նոր յիսնամեակի մը գէթ համառօտ նախագիծը:(մանրամասն)

ԱԶԱՏ ՔՆՆԱՐԿՈՒՄ

yeranԱնցեալ տարուան վերջաւորութեան լոյս ընծայած «Ոչ ցանկալի» թեմաներ սփիւռքահայ պատմագրութեան մէջ» խորագրուած յօդուածիս մէջ, ի շարս այլ հաստատումներու, գրած էի նաե՛ւ թէ յատկապէս 1960-ականներէն սկսեալ հայկական Սփիւռքի մէջ «իւրաքանչիւր կրօնական կառոյցի կամ քաղաքական խմբակցութեան հերոսները եւ պատմութեան աստեղային դրուագները քննարկելը դարձած է «առանձնայատուկ», կամ ինչպէս արեւելահայերը կ’ըսեն` մասնաւորեցուած է։(մանրամասն)

Անցուդարձ

Եթէ փտածութիւնը դառնայ բնական երեւոյթ, ժողովրդային ընդվզումը ծաւալի եւ արտագաղթը շարունակուի նոյն թափով, Հայաստանի պետականութեան հիմքերը կրնան խախտիլ

yeranՆ.Ս.Օ.Տ.Տ. Արամ Ա. Կաթողիկոսի Սուրբ Աստուածածնայ Վերափոխման տօնին առիթով արտասանած պատգամին Հայաստանի վերջին դէպքերուն առնչուած բաժինը։ Հայրապետական սոյն պատգամը խօսուեցաւ, 13 Օգոստոս 2016-ին, Պիքֆայայի Սուրբ Աստուածածին Վանքի շրջափակը ողողած հազարաւոր հաւատացեալներու ներկայութեան։(մանրամասն)

Կարէն Կարապետեան նշանակուեցաւ ՀՀ նոր վարչապետ

yeranՍեպտեմբեր 8-ին, վարչապետ Յովիկ Աբրահամեան յայտարարեց իր հրաժարականը: Քանի մը ժամ ետք նախագահ Սարգսեան ՀՀԿ խորհուրդի նիստին առաջադրեց Կարէն Կարապետեանի անունը, որ հաստատուեցաւ եւ այնուհետեւ ան յայտարարուեցաւ որպէս Հայաստանի 14-րդ վարչապետը:(մանրամասն)

Փութին Էրտողանին 7 Պայման Առաջադրած Է, Մէկը՝ Արցախին Առնչուող

yeranԵՐԵՒԱՆ, «Էրմենիհապեր».- Թրքական «Սիւճէ» թերթի սիւնակագիր Ճան Աթաքլը Օգոստոս 31ին հրապարակած իր յօդուածին մէջ անդրադարձած է Ռուսիոյ մէջ վերջերս տեղի ունեցած Փութին-Էրտողան հանդիպման՝ ներկայացնելով ուշագրաւ մանրամասնութիւններ:(մանրամասն)

Ռուսիա Եւ Ատրպէյճան Զգալիօրէն Պիտի Ընդարձակեն Ռազմավարական Գործակցութիւնը

yeranՄՈՍԿՈՒԱ, «Ազատութիւն».- Ըստ Ռուսիոյ պաշտպանութեան նախարարութեան պաշտօնական կայքին՝ Ռուսիա եւ Ատրպէյճան կը նախատեսեն «զգալիօրէն ընդարձակել ռազմաճարտարագիտական համագործակցութիւնը»:(մանրամասն)

«ՄՈՍԿՈՒԱՆ ԿԸ ՑԱՆԿԱՅ, ՈՐ ՊԱՔՈՒՆ ՈՒ ԵՐԵՒԱՆԸ ԼԵՌՆԱՅԻՆ ՂԱՐԱԲԱՂԻ ՏԱԳՆԱՊԻ ՓՈԽԶԻՋՈՒՄԱՅԻՆ ԵՒ ԵՐԿՈՒՍՏԵՔ ԸՆԴՈՒՆԵԼԻ ԼՈՒԾՈՒՄ ԳՏՆԵՆ» ԸՍԱՒ ՓՈՒԹԻՆ

yeran«ՌԻԱ Նովոսթի» կը հաղորդէ, որ Ռուսիոյ նախագահ Վլատիմիր Փութին՝ 8 Օգոստոսին,Պաքուի մէջ Ազրպէյճանի նախագահ Իլհամ Ալիեւի հետ հանդիպումին ընթացքին յայտարարած է, որ իր երկիրը պիտի ձգտի, որ Ազրպէյճանն ու Հայաստանը Լեռնային Ղարաբաղի տագնապին համար գտնեն փոխզիջումային եւ երկուստեք ընդունելի լուծում մը:(մանրամասն)

Պիշքեքի մէջ, նախագահ Սարգսեան խօսած է փոխադարձ զիջումներու մասին

yeranՀայաստանի նախագահը Սեպտեմբեր 16-ին եւ 17-ին այցելութիւն մը կատարած է Քիրկիզստանի մայրաքաղաք՝ Պիշքեք, մասնակցելու համար ԱՊՀ-ի անդամ պետութիւններու ղեկավարներու խորհուրդի նիստին: Իր ունեցած ելոյթին, նախագահ Սարգսեան ի շարս այլ հարցերու, անդրադառնալով Ղարաբաղեան խնդրին, ըսած է. "Ցաւօք, նաեւ մեր Համագործակցութեան տարածքում պահպանւում են լարուածութեան եւ դիմադրութեան օջախներ։(մանրամասն)

ԱԿՆԹԱՐԹՆԵՐ

yeranՊահեր կան, երբ հոգիդ կը մեծնայ, կը շատնայ, համայն տիեզերքը պարփակելու չափ....քանզի հոգին առաւել է քան զմարմին, հոգին ունի տիեզերական անհունութիւն, ըլլալով անոր մանրակերտը....Քիչ անգամ կը խորզգանք, սակայն, անոր անպարագիծ մեծութիւնը՝ տարուած ըլլալով առօրեայ հնհնուքներով մանրախնդիր....Հոգին տիեզերք մըն է, անոր ամբողջական անդրադարձը....
.............
Մարդ էակին ներքին խորագոյն ձայնը՝ Ճշմարտութեան ձայնն է, որ շատ յաճախ կը խլանայ առօրեայ կեանքի հնհնուքներուն, հեւքին ու վազքին մէջ....մեր շուրջը տիրող բազմաձայն աղմուկին եւ կեղծ արժէքներու խաժամուժին մէջ...: Յաճախ չի՞ պատահիր որ գիշերային լռութեան ու խաղաղութեան խոր պահուն՝ արարչագործ միտքեր կ'այցելեն մեզ, զորս պէտք է որսալ, խոկալ անոնց վրայ, հաղորդուիլ անոնց հետ....Թերեւս կեանքի բուն արժէքը այդ հազուագիւտ պահերն են....
.............
Վտանգաւոր է այն ընկերութիւնը, ուր չափանիշները խախտուած են..., ուր քծնանքը, շողոքորթութիւնը ի պատուի են....ուր դիրքը, դրամը, շահը կը պայմանաւորեն ամէն վերաբերմունք....Նման ընկերութեան մէջ, սկզբունքային մարդը տեղ չունի եւ ասպարէզը ամբողջովին կը ձգուի պատեհապաշտ մարդկանց, որոնք կը զոհեն ամէն արժէք, բարոյական, մարդկային եւ ազգային սկզբունք յանուն սեփական շահի, շահերու ամրապնդման....եւ կը ծափահարուին ալ բարձրաղաղակ....
.............
Չեմ գիտեր ո՞րն է լաւ....ապրի՞լ կեանքը օրը օրին, առանց երկար-բարակ մտածելու, կեանքի յորձանքին միայն անձնատուր...թէ՞ ամէն ինչ վերլուծել, խոկալ, մտածել ու վերամտածել, ապրելու տենդէն ինչ-որ բան զեղչելով՝ անդրադարձումի, քննարկումի, խորացումի եւ նման բաներու վրայ, մինչ կեանքը կը սահի, կ'երթայ անդադրում....Բայց չքննարկուած, չմտածուած կեանքը ինչի՞ նման կ'ըլլայ....ապրիլ ապրելո՞ւ համար միայն, վերջապէս, թէ՞ առաւել կեանք ունենալու համար, որակի առումով....
.............
Անկեղծութիւնը կը զգաստացնէ, երբեմն կը վիրաւորէ, բայց անպայմանօրէն բան մը կը փոխէ մեր զրուցակցին մէջ, անդրադարձ մը կը թողու, մտածել տուող անդրադարձ մը, որ թերեւս մաքրէ հոգին կուտակուած ժանգէն, միտքն ալ՝ կուտակուած նախապաշարումներէն եւ քարացած կարծրատիպերէն....Անկեղծ խօսքը գիտակցութեան խթան է...
.............
Երազներ հիւսելը կեանքի անբաժանելի մասն է, նոյնիսկ անոր էական մէկ մասը...քանզի երազն է որ թեւ ու թռիչք կու տայ հոգիին, եռանդ կու տայ ապրելու մեր կորովին, ոյժ կու տայ մեր տեւելու կամքին....(մանրամասն)

ՇՆՈՐՀԱԿԱԼՈՒԹԵԱՄԲ ՍՏԱՑԱՆՔ՝

-ՀԵՆՐԻԿ ԲԱԽՉԻՆԵԱՆԻ «ԳՐԻԳՈՐ ՆԱՐԵԿԱՑՈՒ ԳԱՆՁԱՐԱՆԸ – Վերծանութիւն եւ Քննութիւն- հատորը, հրատարակութիւն Հ.Բ.Ը.Միութեան Վահրամ Ապտալեան Մշակութային Հիմնադրամի, 2016թ.

-ԵՐՈՒԱՆԴ Հ. ՔԱՍՈՒՆԻԻ «ՄՏՈՐՈՒՄՆԵՐ ՀԱՅԱՍՏԱՆԵԱՅՑ ԱՒԵՏԱՐԱՆԱԿԱՆ ԵԿԵՂԵՑԻԻ ՄԱՍԻՆ» - հատորը, հրատարակուած 2016-ին, Պէյրութ:

Այլազան

Կորուստ Մը Եւս

yeranՀամացանցային Keghart.com-ն ալ անցաւ պատմութեան գիրկը։ Ան հերոսի նման գլուխը բարձր մտաւ հայ մամուլի պատմութեան տարեգրութեան մէջ, որպէս անկախ, ոչ-յանձնառու եւ հետազօտական լրագրութեան պատկանող կայքէջային պարբերաթերթ մը։ Ան շիջեցաւ ի վերջոյ՝ մինչեւ վերջին թիւը մնալով իր արհեստավարժական բարձրութեան վրայ՝ բոցավառ արեւի մը մայրամուտի շողերուն պէս փայլատակելով մեր լրագրութեան երկնակամարին վրայ։(մանրամասն)

«Սփիւռքահայ Քաղաքական Հոսանքները Եւ Գաղութները Խորհրդային Գաղտնի Փաստաթուղթերու Մէջ (1945-1991, Ընտրանի)»

yeranԵրեւանի մէջ օրերս լոյս տեսաւ պատմաբան Գէորգ Եազըճեանի կազմած, թարգմանած, ծանօթագրած եւ հրատարակութեան պատրաստած «Սփիւռքահայ Քաղաքական Հոսանքները Եւ Գաղութները Խորհրդային Գաղտնի Փաստաթուղթերու Մէջ (1945-1991, Ընտրանի)» փաստաթուղթերու ժողովածուն՝ 352 էջ ծաւալով:(մանրամասն)

Քնեսեթի Կրթութեան Յանձնախումբը Ճանչցաւ Հայոց Ցեղասպանութիւնը

yeranԵաքով Մարկի ԵՐԵՒԱՆ, «Երկիր Մեդիա».- Իսրայէլի խորհրդարանի՝ Քնեսեթի Կրթութեան եւ մարզանքի յանձնախումբը Օգոստոս 1ին կայացած քննարկումէ մը ետք պաշտօնապէս ճանչցաւ Հայոց Ցեղասպանութիւնը. այս մասին կը տեղեկացնէ Երուսաղէմի Սրբոց Յակոբեանց միաբանութեան անդամ Յովնան Պաղտասարեան:(մանրամասն)

Արեւմտահայերէնին հայրենիքը ո՞ւր է

yeranԱրդէն երեք շաբաթ անցած է, որ Հրանդ Տինք Հիմնարկին ամառնային լեզուի եւ մշակու-թային դասընթացքը տեղի կ՚ունենայ։ Թէեւ ես արեւմտահայերէնի լեզուակիր եմ, խոստո-վանիմ որ կրթութեանս պատճառով այդքան ալ ինքնավստահութեամբ չմօտեցայ լեզու դասաւանդելու մարտահրաւէրին։ Սակայն չափազանց ոգեւորիչ ժամանակ կ՚անցընենք։ Դասընթացքին յաջողութեան պատճառներէն գլխաւորը, ես կ՚ըսէի, մասնակցողներուն՝ աշակերտներուն եռանդն է, նաեւ՝ կազմակերպիչներուն արհեստավարժ մօտեցումը։(մանրամասն)

Դատարանը մերժած է Ժիրայր Սեֆիլեանի պատժաձեւը փոխելու դիմումը

yeran Վերաքննիչ դատարանը Օգոստոս 29-ին մերժած է Ժիրայր Սեֆիլեանի բանտարկութիւնը այլ պատիժով փոխարինելու դիմումը: Ուրեմն, Սեֆիլեան պիտի շարունակէ մնալ բանտը:(մանրամասն)

Հռոմի պապը սրբադասեց Հօրը կողմէ հայ՝ Մայր Թերեզան

yeranՀռոմի պապ Փրանկիսկոս՝ Մայր Թերեզան դասեց կաթոլիկ եկեղեցւոյ սուրբերու շարքին: Սրբադասման յատուկ արարողութիւնը տեղի ունեցաւ Կիրակի, Սեպտեմբեր 4-ին, Վատիկանի Սուրբ Պետրոս եկեղեցւոյ հրապարակին վրայ: Արարողութեան ներկայ էր շուրջ 100 հազար հոգի:(մանրամասն)