Ազատ Խօսք

Ելեկտրոնային Անկախ Պարբերաթերթ

Խմբագիր - Երան Գույումճեան

Թիւ (84) Հոկտեմբեր 2018

  • Հրաժարականիս նպատակը ոչ բռնի, թաւշեայ յեղափոխութիւնն աւարտին հասցնելն է. Նիկոլ Փաշինեան
  • ՇԱՌԼ ԱԶՆԱՒՈՒՐԻ ՅԻՇԱՏԱԿԻՆ ՏԵՂԻ ՈՒՆԵՑԱՒ ԱԶԳԱՅԻՆ ՓԱՌԱՇՈՒՔ ԱՐԱՐՈՂՈՒԹԻՒՆ
  • «Եթէ Ազրպէյճանը իսկապէս հաւատարիմ է խաղաղ գործընթացին, պէտք է սկսի երկխօսիլ Լեռնային Ղարաբաղի հետ»
  • Ազգային Ժողովի Կանոնակարգ Օրէնքին մէջ կատարուած փոփոխութիւնը կ՛արժանանայ Փաշինեանի սուր հակազդեցութեան.
  • Ապրիլ 24ը Ֆրանսայի մէջ պիտի հռչակուի Հայոց Ցեղասպանութեան Յիշատակի Օր
  • Նախագահ Արմէն Սարգսեանին շնորհուեցաւ Համաշխարհային Պետական Գործիչի Մրցանակը

Կիպրահայ

«ՅԱՐԱՏԵՒՈՒԹԵԱՆ» ՅՈՒՇԱՏՕՆԵՐՈՒ ՀԱՄԵՐԳԸ

yeranՇաբաթ 22 Սեպտեմբեր 2018-ին, երեկոյեան ժամը 7:30-ին, Մելգոնեան Կրթական Հաստատութեան շրջափակին մէջ, տեղի ունեցաւ Ս. Աստուածածին Մայր եկեղեցւոյ երգչախումբերու «Յարատեւութիւն» համերգը, նուիրուած հինգ գլխաւոր յուշատօներու, հովանաւորութեամբ Կաթ. Փոխ. Տէր Խորէն Արք. Տողրամաճեանի, նախագահութեամբ Պետ. Ներկ. Տիար Վարդգէս Մահտեսեանի, ներկայութեամբ պետական-քաղաքական պաշտօնական հիւրերու եւ ամբողջ շրջափակը ծայրէ ծայր լեցնող հոծ, մարդաշատ բազմութեան մը:(մանրամասն)

ԲՆՈՒԹԵՆԷՆ ԱՆԴԻՆ

ՃՈՆ ԿԵՎՀԷՐԵԱՆԻ ՑՈՒՑԱՀԱՆԴԷՍԸ

yeranԳոյներու, նրբերանգներու, գիծերու հրավառութիւն էր իրաւամբ Նիկոսիոյ «Opus» ցուցասրահը՝ 17 Հոկտեմբեր, 2018-ին, ուր ժամը 7:30-ին տեղի ունեցաւ կիպրահայ գեղանկարիչ Ճոն Կեվհէրեանի...(մանրամասն)

Խմբագրական

ՄՏՈՐՈՒՄՆԵՐ ԵՐԵՒԱՆԻ 2800-ԱՄԵԱԿԻՆ ԱՌԻԹՈՎ

yeranԱյս տարի, հանդիսաւոր կերպով կը նշուի Երեւան-Էրէբունիի հիմնադրութեան 2800-ամեակը, որ հպարտութեան եւ խանդավառութեան ջերմ զգացումներով կը լեցնէ համայն հայութեան սիրտերը ի Հայաստան եւ ի սփիւռս աշխարհի, քանզի Երեւանը այսօր կը նկատուի ըլլալ համայն հայութեան մայրաքաղաքը: Սա առիթ է նաեւ արժեւորելու եւ իմաստաւորելու այս կարեւոր յոբելեանը, հարց տալով եւ մտորելով, թէ ո՞ւրկէ եկած ենք եւ ո՞ւր կ'երթանք, որպէս երկիր, ազգ ու մայրաքաղաք...: Ո՞ւր է մեր տեսիլքն ու տեսլականը:

Յոբելենական թուականը գեղեցկօրէն եւ իմաստալից կերպով զուգադիպեցաւ՝ սիրոյ եւ համերաշխութեան թաւշեայ յեղափոխութեան, ինչ որ նոր յոյս ու լոյս, նոր հաւատք ու ապագայի տեսիլք կը ներշնչէ բոլորիս, քանզի սէրն ու համերաշխութիւնն են ամէնէն կարեւոր երաշխիքը ազգի ու հայրենիքի անխափան երթին:(մանրամասն)

Հարցազրոյց

«Եթէ ժողովուրդը յոյսեր է կապում Նիկոլ Փաշինեանի հետ , ուրեմն պէտք է հասկանայ , որ Նիկոլ Փաշինեանի ուժը հենց ինքը ՝ ժողովուրդն է»

yeran- Անկախ այն հանգամանքից, որ Դուք և ՀՀ քաղաքացիներից շատերը դէմ են արտայայտուել վարչապետի հրաժարականի փաստին , այնուհանդերձ արդէն վարչապետը յայտարարել է իր հրաժարականի յստակ օրը , ինչպիսի մեկնաբանութիւն կ'անէք այս առիթով .

- Իհարկէ վերջին շրջանում վարչապետը որոշ պայմանաւորուածութիւն ունեցաւ գրաւոր և բանաւոր տարբեր կուսակցութիւնների հետ , առ այն , որ չեն առաջադրի իրենց թեկնածուն ու չեն պաշտպանի այլ թեկնածուի , այնուհանդերձ ես զգօնութիւնս չէի կորցնի և չէի վստահի մինչև վերջ , քանի , որ անկանխատեսելի իրավիճակներ կարող են տեղի ունենալ և կարող է ՀՀԿ-ն փորձ անել սեփական վարչապետի թեկնածուի միջոցով վերցնել իշխանութիւնը :
(մանրամասն)

Յօդուածներ

Հայաստան Կարիքը Ունի Ե՛ւ Ներդրումներու, Ե՛ւ Բարեգործութեան...

yeranՏարիներու ընթացքին, Հայաստանի 1991 թուականի անկախացումէն սկսեալ, ես եզակի հնարաւորութիւն ունեցած եմ հարիւրաւոր ժամեր անցընելու երկրի նախկին երեք նախագահներուն հետ, անոնց հետ անձնապէս քննարկելով Հայաստանի վերաբերեալ բազմաթիւ հիմնախնդիրներ: Ես անոնց ներկայացուցած եմ իմ մասնագիտական գնահատականները եւ յաճախ իմ քննադատութիւնները՝ երկրի կառավարման վերաբերեալ: Թէեւ նախագահները գոհ չէին, որ մատնացոյց կ՛ընէի թերութիւններն ու սխալները, սակայն կը հասկնային, որ մտադրութիւն չունէի զիրենք նսեմացնելու, այլ կ՛ուզէի օգնել իրենց՝ բարելաւելու համար բնակչութեան կենսապայմանները:(մանրամասն)

ՀԱՅԱԳԻՏՈՒԹԵԱՆ ՄԵԾ ԵՐԱԽՏԱՒՈՐԸ

Ֆրետերիք Ֆէյտիի ծննդեան 110-ամեակին առիթով (1908-1991)

yeranՄեծանուն լեզուաբան հայագէտ, Սորպոնի համալսարանի արեւելեան լեզուների եւ քաղաքակրթութիւնների ազգային ինստիտուտի նախկին անդամ, փրոֆ. Ֆրետերիք Ֆէյտիի անունը թանկ է յատկապէս մեզ՝ Հայերիս համար, քանզի իր ապրած 83 տարիներից աւելի քան 50 տարիներ նա ծառայել է հայագիտութեան։ Անթուան Մեյէ, Օկիւսթ Գարիեր, Ֆրետերիք Մաքլեր, Ժորժ Տիւմեզիլ… ֆրանսացի հայագէտների այս փառահեղ համաստեղութիւնը համալրուել ու հարստացել է Ֆրետերիք Ֆէյտիի անունով։ Ծնուել է Փարիզ, 1908-ին։ Միջնակարգ կրթութիւնը ստացել է Վերսայի վարժարանը (lycée Hoche), որտեղ սերմանւում է հին լեզուների եւ Արեւելքի հանդէպ ապագայ գիտնականի հետաքրքրութիւնը։(մանրամասն)

Խոհեր՝ փոխան գրախօսականի "Bearing Witness to Humanity"

yeranՀայոց Ցեղասպանութեան 100-րդ տարելիցի ոգեկոչումը առիթ ընծայեց հայ եւ օտար հեղինակաւոր ատեաններուն, պատմա-քաղաքագիտական ու մշակութային հաստատութիւններուն եւ գիտաշխատողներուն, որոնք ոգի ի բռին աշխատեցան համաշխարհային քաղաքական միտքն ու կամքը առաջնորդելու դէպի արդար վերարժեւորումը Հայոց Ցեղասպանութեան պատճառած աննախընթաց կորուստներուն, եւ հայ ժողովուրդին ազգային արդար պահանջատիրութեան գործընթացին:(մանրամասն)

Ամէնէն Երկար Թռիչքը

yeranԻմ աշխատանքային ասպարէզիս վերջին երեսուն տարիները, մինչեւ այսօր, եղած են ճամբորդութիւններով լեցուն: Եթէ ճամբորդութիւնները ընդգրկեցին աշխարհի տարբեր կողմերը` ներառելով թռիչքներ տարբեր ուղղութիւններով եւ ժամերով, բայց չէի կրնար պատկերացնել, որ նաեւ պիտի կատարէի ամէնէն երկար թռիչքը` ըստ վիճակագրական տուեալներու: Քաթարէն մինչեւ Նոր Զելանտա` աւելի քան տասնութ ժամ: Այս բոլոր ժամերը օդին մէջ վերածուած են տարբեր տարողութեամբ կեանքի մը, ապրուած վիճակի մը:(մանրամասն)

Յուշերու Շարքէն

ՊՐՆ. ԹԱՄԱՄԵԱՆԸ

yeranՄելգոնեանի մեր գրականութեան ուսուցիչն էր եւ այն ատենուան Մելգոնեանին մէջ, անուրանալիօրէն տարբեր պահանջք, կշիռ եւ պատասխանատուութիւն կը կրէր այդ պաշտօնին հետ առնչուող հանգամանքը:
(մանրամասն)

Գրական-Մշակութային

ՓՈՒՆՋ ՄԸ ԲԱՆԱՍՏԵՂԾՈՒԹԻՒՆՆԵՐ՝

yeran

 

 

 

ԲԱՐԻՆ
Բարին շո՛ղն է լուսաբացի
Բարին գգուա՛նքն է զեփիւռի
Թրթի՛ռն է լոյս տերեւներուն
Լոյսի՛, յոյսի՛ օրհներգութիւն...(մանրամասն)

Հայկազեան Հայագիտական Հանդէսի 38րդ Հատորին Շնորհանդէսը

yeranԱւելի քան քառորդ դարու ամէնամեայ աւանդութեան վերածուած, Հայկազեան Հայագիտական Հանդէսի անխափան լոյս ընծայումը աներկբայ վկայութիւնն է Հայկազեան Համալսարանի ունեցած դերին եւ յանձնառութեան՝ հայ դպրութեան սատարելու ընդհանուր ճիգերուն:(մանրամասն)

ՀԱՅԵՐԷՆ ՁԵՌԱԳՐԵՐԻ ՑՈՒՑԱՀԱՆԴԷՍ ՊՐԱՀԱՅՈՒՄ

yeranՀոկտեմբերի 8-ին Պրահայի Ստրահովեան նշանաւոր վանքի գրադարանի Աստուածաբանական դահլիճում, որը համարւում է Եւրոպայի հնագոյն և շքեղ գրադարաններից մէկը, տեղի ունեցաւ «Հնագոյն քրիստոնեայ ազգի գանձերը. հոգեւոր արուեստը և երաժշտութիւնը միջնադարեան ձեռագրերում» խորագրով ցուցահանդէսի բացումը, որին ներկայ էին Չեխիայի կաթոլիկ եկեղեցու առաջնորդ և Պրահայի արքեպիսկոպոս կարդինալ Դոմինիկ Դուկան, Չեխիայի հայ համայնքի հոգեւոր հովիւ Բարսեղ վարդապետ Փիլաւճեանը, մի շարք երկրների դիւանագիտական այրեր և հայ համայնքի ներկայացուցիչներ:(մանրամասն)

«ՍՓԻՒՌՔ» ԳԻՏԱՈՒՍՈՒՄՆԱԿԱՆ ԿԵՆՏՐՈՆԻ ԱՄԲՈՂՋԱԿԱՆ ՀՐԱՏԱՐԱԿՈՒԹԻՒՆԸ.

yeranԽ. Աբովեանի անուան ՀՊՄՀ «Սփիւռք» գիտաուսումնական կենտրոնը 2012 թուականից հայրենիքում ձեռնամուխ է եղել լիբանանահայ նշանաւոր արձակագիր, քննադատ եւ հրապարակախօս, «Սփիւռք»-ի նոյնքան նշանաւոր խմբագիր Գէորգ Աճեմեանի հայագիր ամբողջական ժառանգութեան լոյսընծայումին: Առաջին երեք հատորներում ի մի են բերուած նրա յետագիծ ձգած լաւագոյն արձակ գործերը՝ պատմուածքներ, վիպակներ եւ վէպեր, ինչպէս ասենք, «Անկարելի պատմութիւն»,...(մանրամասն)

ՖՐԱՆՍԵՒՀԱՅԿԱԿԱՆ ԳԻՏԱԺՈՂՈՎ ՓԱՐԻԶԻ ՄԷՋ

yeranՈրպէս նախաբան յառաջիկայ Հոկտեմբերին Երեւանի մէջ կայանալիք Ֆրանսախօսութեան ԺԷ. Գագաթնաժողովին, Արարատ Գիտութեանց Միջազգային Ակադեմիայի նախաձեռնութեամբ եւ երկու ֆրանսական պատկառելի հաստատութիւններու համակազմակերպութեամբ՝ աննախընթաց գիտաժողով մը տեղի ունեցաւ Փարիզի մէջ, 19 եւ 20 Սեպտեմբեր 2018‐ին։(մանրամասն)

Աշխարհահռչակ երգիչ Շարլ Ազնաւուրի վաստակը

yeranԱշխարհահռչակ երգիչ-երգահան Շարլ Ազնաւուր կեանքէն հեռացաւ 94 տարեկանին՝ 1 Հոկտեմբերին, 2018-ին: Շարլ Ազնաւուրի հայրը՝ Միշան, ծնած էր Վրաստանի Ախալցխա քաղաքը, մայրը՝ Թուրքիոյ Իզմիր քաղաքը: Շարլի ընտանիքը ամրօրէն կապուած էր ազգային սովորութիւններուն, մայրենիին եւ եկեղեցւոյ:(մանրամասն)

Տեսակէտ

Չարաբաստիկ Բացթողում Մը

Դոկտ. Աբէլ Քհնյ. Մանուկեան,

Ի տօնի սրբուհւոյ Աստուածածնի ծննդեան յԱննայէ, Ժընեւ, 8 Սեպտեմբեր 2018

yeranՄինչեւ 27 Հոկտեմբեր 1999 թուականը, Ազգային-Եկեղեցական Ժողով հասկացութիւնը գոնէ մեր սերունդին վրայ կը թողուր խորհրդաւոր իրադարձութեան մը տպաւորութիւնը։ Պատմական կարեւոր նշանակութիւն ունեցող եւ սովորական ժողովներէն գե-րազանցապէս բարձր՝ արտակարգ երեւոյթ մը ըլլալու էր ան։ Յիրաւի՛, անոր գումարումով կարծէք կ'իրականանար ազգային-եկեղեցական մեծահանդէս տօնի մը նշումը, ուր տեսանելի եւ շօշափելի իրողութեամբ, նաեւ իմաստային լիարժէք տարողութեամբ իր ամբողջական արտայայտութիւնը կը գտնէր Հայց. Առաքելական Ս. Եկեղեցւոյ եւ հայ ժողովուրդի սրտառուչ միութիւնը։(մանրամասն)

«ԵԹԷ ԴՐԱՄ ՉՈՒՆԻՔ, ՄԻ՛ ՂՐԿԷՔ ԴՊՐՈՑ...»

yeranԿրնա՞ք երեւակայել թէ ի՛նչ կրնայ ըլլալ գաղթական մօր մը սիրտը՝ լսելէ ետք այս անպատասխանատու յայտարարութիւնը հայկական վարժարանի տնօրէնուհիի մը կողմէ, որուն յանձնուած է մեր նորահաս սերունդի դաստիարակութիւնը: Վա՜յ քեզ քաղաք, որ թագաւորդ մանուկ է: Ո՞ւր մնացին մեր բեմերէն արտասանուած կոչերը՝ թէ հայ դպրոցն է այն դարբնոցը, ուր պիտի պատրաստուին մեր նորահաս սերունդները՝ Հայ Դատի հետապնդման մեր վաղուան ջահակիրները:(մանրամասն)

Մտաւորականութիւնը Իշխանութեան Մէջ Տեղ Ունի՞

yeranՀայաստանի Գ. Հանրապետութիւնը, իր անկախութեան 26 տարիներուն, նախագահական ու կառավարական, խորհրդարանական ու մարզպետական բազմաթիւ անցումներ ունեցաւ, իր կոշտ ու բիրտ, տաք ու պաղ, աւերիչ ու քանդիչ քաղաքական գործելաձեւերով, որոնք սուղ արժեցին Հայաստանին ու հայ ժողովուրդին:(մանրամասն)

Բարեկիրթ ու քաղաքավար ոճի հրամայականութիւնը

yeranՀայ ժողովուրդը կը հպարտանայ իր Ոսկեղնիկով: Հայոց լեզուն զինք հայ պահած է: Հայերէնը հայու ինքնութեան անփոխարինելի զէնքն է: Սակայն, առանց պատմութեան բաւիղներուն մէջ մտնելու, կ'արժէ արագ հայեացք մը նետել, գէթ անցնող կիսադարու, աւելի ճիշդ՝ վերջին քանի մը տարիներու հայոց լեզուի պարզած վիճակին վրայ:(մանրամասն)

ՀԱՅ ԳԻՐՔԸ ԵՒ ՄՇԱԿՈՅԹԸ ՊԱՏԻՒՆ Է ՀԱՅՈՒՆ

Ահարոն Շխրտըմեան

yeranԱրդէն քանիերորդ տարին ըլլալով Հայկազեան համալսարանը իւրաքանչիւր hոկտեմբերի երկրորդ շաբաթը կը համախմբէ լիբանանահայ գրողներ, ուսուցիչներ, մտաւորականներ, ընթերցողներ ու հրատարակչատուներու ներկայացուցիչներ եւ կ'արժեւորէ տարուան մը անոնց աշխատանքը:Այս գնահատելի միջոցառումին առիթով, իբրեւ գիրքը եւ գրականութիւնը սիրող անհատ, կարողութեան սահմաններու մէջ պիտի փորձեմ իղձերս եւ ցանկութիւններս յայտնել հայ գիրի եւ դպրութեան մասին:(մանրամասն)

Անցուդարձ

Հրաժարականիս նպատակը ոչ բռնի, թաւշեայ յեղափոխութիւնն աւարտին հասցնելն է. Նիկոլ Փաշինեան

yeranՍիրելի հայրենակիցներ, սիրելի ժողովուրդ, Հայաստանի Հանրապետութեան հպարտ քաղաքացիներ, Ինչպէս և ասել էի, ես այսօր հրաժարական եմ տալիս Հայաստանի Հանրապետութեան վարչապետի պաշտօնից: (մանրամասն)

ՇԱՌԼ ԱԶՆԱՒՈՒՐԻ ՅԻՇԱՏԱԿԻՆ ՏԵՂԻ ՈՒՆԵՑԱՒ ԱԶԳԱՅԻՆ ՓԱՌԱՇՈՒՔ ԱՐԱՐՈՂՈՒԹԻՒՆ

yeranՈւրբաթ, Հոկտեմբեր 5-ի առաւօտեան Էնվալիտի Պատուոյ բակին մէջ հանդիսաւոր արարողութեամբ ազգային յարգանքի տուրք մատուցուեցաւ Շառլ Ազնաւուրին: Եթէ այդ հեղինակաւոր բակէն ներս կրցան մուտք գործել միայն Ազնաւուրի ընտանիքը եւ պաշտօնական հիւրեր,– շուրջ երկու հազար հոգի,– աշխարհահռչակ երգիչին միլիոնաւոր երկրպագուներն ալ երկրագունտի չորս ծագերէն կրցան հետեւիլ հրաժեշտի այս արարողութեան, շնորհիւ հեռատեսիլէն ուղղակի սփռումին:(մանրամասն)

ՄԱԿ-ի Ընդհանուր Ժողովին. Փաշինեան. «Եթէ Ազրպէյճանը իսկապէս հաւատարիմ է խաղաղ գործընթացին, պէտք է սկսի երկխօսիլ Լեռնային Ղարաբաղի հետ»

yeranԼեռնային Ղարաբաղի տագնապի խաղաղ լուծումը կը շարունակէ գերակշռել Հայաստանի արտաքին քաղաքական օրակարգին վրայ: Ըստ «Արմէնփրես»-ի, այս մասին ըսած է Հայաստանի Հանրապետութեան վարչապետ Նիկոլ Փաշինեան, ելոյթ ունենալով ՄԱԿ-ի Ընդհանուր ժողովի 73-րդ նստաշրջանին:(մանրամասն)

Ազգային Ժողովի Կանոնակարգ Օրէնքին մէջ կատարուած փոփոխութիւնը կ՛արժանանայ Փաշինեանի սուր հակազդեցութեան.

yeran2 Հոկտեմբեր 2018-ին, կէսօրէ ետք, Հայաստանի Ազգային ժողովի արտակարգ նիստ գումարուեցաւ: Հայաստանի Ազգային ժողովի պատգամաւորներ Արփինէ Յովհաննիսեանն ու Գէորգ Պետրոսեանը առաջարկեցին «Ազգային ժողովի կանոնակարգ օրէնք»-ի 50-րդ յօդուածին մէջ կատարել լրացում, ըստ որուն` եթէ պատգամաւորները չեն կրցած գալ նիստի, ապա նախագահողը նիստը կրնայ նկատել ընդհատուած: (մանրամասն)

Ապրիլ 24ը Ֆրանսայի մէջ պիտի հռչակուի Հայոց Ցեղասպանութեան Յիշատակի Օր

yeranԵՐԵՒԱՆ.- Հինգշաբթի, 11 Հոկտեմբերին տեղի ունեցաւ բացումը «Կասկադ»ի հարեւանութեամբ տեղակայուած «Ազնաւուր» հիմնադրամի առաջին մշակութային նախագիծին, որուն ներկայ եղան Հայաստանի եւ Ֆրանսայի նախագահներ Արմէն Սարգսեան եւ Էմանուէլ Մաքրոն, ինչպէս նաեւ Ազնաւուրի որդին՝ Նիքոլան:(մանրամասն)

Նախագահ Արմէն Սարգսեանին շնորհուեցաւ Համաշխարհային Պետական Գործիչի Մրցանակը «Կը հաւատամ, որ 21-րդ դարը Հայաստանի դարն Է»

yeran3 հոկտեմբերին Նիւ Եորքի մէջ տեղի ունեցած է Արեւելք-Արեւմուտք հիմնարկի տարեկան 25-րդ կալա մրցանակաբաշխութիւնը, որուն ներկայ եղած են անուանի պետական, հասարակական ու քաղաքական գործիչներ, դեսպաններ, գործարարներ, ամերիկահայ համայնքի անդամներ:(մանրամասն)

ԱԿՆԹԱՐԹՆԵՐ

yeranՊատմութիւնը լոկ դէպքերու եւ իրադարձութեանց անկապ շղթայ չէ, անիկա էապէս պատճառ-հետեւանքային երեւոյթներու եւ իրադարձութեանց ընթացք է, օղակ առ օղակ իրարու ագուցուած ներքին պատմական տրամաբանութեան հոլովոյթով...: Եթէ պատմութեան չմօտենանք այս ակնոցով, զայն մակերեսային կերպով սերտելը ոչ մէկ օգուտ կամ նպաստ կրնայ բերել մեր գիտակցութեան ..: Խորքային պատճառներու խոր ուսումնասիրութիւնն է որ կրնայ օգնել մեզի՝ ճիշդ հասկնալու զայն եւ դասեր քաղելու անկէ...
......................
Սէրը, յոյսը, հաւատքը միշտ ալ փոխադարձ ոյժ ունին....Եթէ անկեղծօրէն սիրես ժողովուրդդ, ան անպայման կը փոխադարձէ զայն...Եթէ հաւատաս ժողովուրդիդ անվերապահօրէն, ան փոխադարձաբար կը հաւատայ քեզի...: Սիրտէ սիրտ անիմանալի կամուրջ կայ՝ ոգեղէն եւ լուսեղէն, որուն էական պայմանը մաքուր անկեղծութիւնն է:
......................
Բարձր հոգիներն են որ ընդունակ են ինքնաքննադատութեան, ինչ որ զիրենք առաւել եւս կը բարձրացնէ, կ'ազնուացնէ, կը գեղեցկացնէ....Ինքնագոհ եւ ինքնահաւան մարդը կը լճանայ, կը ճահճանայ, կը կղզիանայ....Իսկ հայ կեանքի մէջ, շատ հազուագիւտ են անոնք, որոնք կրնան բարոյական քաջութեամբ իրենք զիրենք քննադատել....մանաւանդ ղեկավար դասին մէջ....
......................
Երբ աշխարհը լայն մտահորիզոնով կ'ընդգրկես, երբ կը սորվիս որ լոկ հիւլէ մըն ես տիեզերքի անհունութեան մէջ, յայնժամ կը դառնաս խոնարհ, սրտաբաց եւ ոչ նեղմիտ ու նախանձամիտ, քանզի նախանձամտութիւնը սերտ կապ ունի նեղմտութեան հետ, ըստ իս:
......................
Զարմանալի է կեանքը....Որքա՛ն ալ վրդովուինք, որքա՛ն ալ հիասթափուինք, որքա՛ն ալ ցաւինք, ներքին խորհրդաւոր ոյժ մը կայ մեզմէ իւրաքանչիւրին մէջ ալ, որ կը վերանորոգէ մեզ հոգեւին, կ'օգնէ որ ոտքի կանգնինք, անձնատուր չըլլանք կեանքի մութ ուժերուն....պայծառ աչքերով նայինք կեանքին ու աշխարհին, փնտռենք ու գտնենք լաւը, լուսաւորը, բարին՝ որոնք միշտ կան մեր շրջապատին մէջ եւ այլուր, անոնցմով լիցքաւորուինք, անոնցմով ներշնչուինք, գօտեպնդուինք....: Մարդկային կեանքը էապէս ոգիի եւ լոյսի ճանապարհորդութիւն է...
......................
Երբ մենք ամբողջովին թօթափենք մեր մէջ նստած վախը, յայնժամ կ'ազատագրուինք...Վախը՝ ճշմարտութիւնը խօսելէ, վախը՝ «գէշ» մարդ երեւնալէ, վախը՝ պաշտօն, դիրք կորսնցնելէ, վախը՝ ինքնուրոյն ըլլալէ, վախը՝ նոյնիսկ պարտուելէ, վախը՝ մինակ մնալէ....Վախի յաղթահարումը ազատութեան ճամբան է:
......................
Ինծի համար արդարութիւնը, ճշմարտախօսութիւնը վեր են բարեկամութենէն, ամէն տեսակի շահերէն, դիրքերէն ու պաշտօններէն....Կան անսակարկելի, գերագոյն արժէքներ, որոնց համար կ'արժէ նոյնիսկ մէն-մինակ, առանձին մնալ այս աշխարհիս երեսին....
(մանրամասն)

ՔԱՌԵԱԿՆԵՐ

yeran

 

 

 

Հոն ուր սէր կայ
Խոր, իսկական
Դժոխքն անգամ
Դրախտ կը դառնայ...
(մանրամասն)

Այլազան

Մեթրոփոլիթէն թանգարանին մէջ բացուած «Արմենիա» ցուցահանդէսը

yeranՎարչապետ Փաշինեան, Ամենայն Հայոց կաթողիկոս Գարեգին Բ.ի հետ այցելած է Նիւ Եորքի ծանօթ Մեթրոփոլիթէն թանգարանին մէջ բացուած «Արմենիա» խորագիրով ցուցահանդէսը: Վարչապետը շրջած է ցուցասրահներուն մէջ, ծանօթացած՝ ներկայացուած հայկական արուեստի ու մշակոյթի լաւագոյն նմուշներուն՝ սկսած 4-րդ դարէն մինչեւ 17-րդ դար:(մանրամասն)

Նիւ Եորքի մէջ. Վարչապետ Նիկոլ Փաշինեան հանդիպում ունեցած է ՄԱԿ-ի Ընդհանուր Քարտուղար Անթոնիօ Կութիերեսի հետ

yeranՎարչապետ Նիկոլ Փաշինեան 24 սեպտեմբերին ՄԱԿ-ի կեդրոնատեղիին մէջ հանդիպում ունեցած է ՄԱԿ-ի ընդհանուր քարտուղար Անթոնիօ Կութիերեսի հետ: Վարչապետ Փաշինեան կարեւոր նկատած է Հայաստանի Հանրապետութեան կառավարութեան եւ ՄԱԿ-ի միջեւ սերտ եւ ամուր համագործակցութիւնը` ՄԱԿ-ի հռչակած արժէքներու պաշտպանութեան եւ ամրապնդման գործին մէջ:(մանրամասն)

Երեւանի աւագանիի արտակարգ ընտրութիւններ ԿԸՅ-ն յայտարարած է վերջնական արդիւնքները

yeranՀՀ Կեդրոնական ընտրական յանձնաժողովը (ԿԸՅ) Կիրակի, Սեպտեմբեր 30-ի արտակարգ նիստին ամփոփած է Երեւանի աւագանիի Սեպտեմբեր 23-ի արտակարգ ընտրութիւններու քուէարկութեան արդիւնքները եւ ստորագրած է համապատասխան արձանագրութիւնը:(մանրամասն)

Մեծն Ազնաւուրի կտակը՝ Il faut savoir quitter la table Lorsque l'amour est desservi Գրեց՝

yeranՀանրապետական կուսակցութիւնը եւ անոր ենթակայ ուժերը երկու տարի առաջ մեծ խարդախութիւններով Սերժ Սարգսեանի հագով պատրաստուած Սահմանադրութիւն պարտադրեցին ժողովուրդին։ Հիմա ՀՀԿ-ն եւ լծակիցները դաւադիր ու դարանակալ միջոցներով օրէնք մշակեցին ու անցուցին՝ իբրեւ թէ իրենց շա՜տ լաւ մշակած Սահմանադրութիւնը պաշտպանելու։ Իրա՞ւ, երկու տարի առաջ ո՞ւր էիք, ինչո՞ւ այս օրէնքը չէիք ներառած Սահմանադրութեան մէջ։ Սերժը արգիլա՞ծ էր...(մանրամասն)

Նիկոլ Փաշինեան եւ Գագիկ Ծառուկեան Դեկտեմբերին խորհրդարանական արտակարգ ընտրութիւններ կատարելու մասին յուշագիր ստորագրած են

yeran«Արմէնփրէս».- Վարչապետ Փաշինեան եւ «Բարգաւաճ Հայաստան» կուսակցութեան նախագահ Գագիկ Ծառուկեան,– որ, կատարեալ շրջադարձ ըրած է Հոկտեմբեր 2-ի վիճայարոյց քուէարկութեան՝ իր կուսակցութեան մեղսակցութենէն ի վեր,...(մանրամասն)

Նիւ Եորքի մէջ. Վարչապետ Փաշինեան. «Մեծ պատիւ է ողջոյնի խօսքով դիմել Նելսոն Մանտելային նուիրուած խաղաղութեան Վեհաժողովին»

yeranԱշխատանքային այցելութեամբ Նիւ Եորք գտնուող վարչապետ Նիկոլ Փաշինեան 24 սեպտեմբերին ՄԱԿ-ի մէջ մասնակցած է «Թմրանիւթերու համաշխարհային խնդիրի լուծման ուղղուած գործունէութեան միջազգային կոչ» նիւթով վեհաժողովին:(մանրամասն)